काठमाडौं- एसिसी यु १९ एसिया कपको पहिलो खेलमा नेपाल श्रीलंकासँग खेलिरहेको छ। नेपालका कप्तान रोहित पौडेल ८० बलमा ४७ रन बनाएर आउट भए।
कोलम्बोको आर प्रेमादासा मैदानमा टस जितेर ब्याटिङ रोजेको नेपालका लागि चौथो नम्बरमा ब्याटिङमा आएका रोहित अर्धशतको नजिक पुगेर चुकेका हुन्।
यसअघि ओपनिङमा आएका ऋत गौतमले अर्धशतक बनाएका थिए। ८५ बल खेलेका ऋत ५४ रन बनाएर आउट भए।
अर्का ओपनर पवन सर्राफ भने १३ बल खेलेर ४ रन बनाउँदा आउट भए। यस्तै आसिफ शेखले १२ बलमा ७ रन मात्रै बनाउन सके।
रोहित आउट भएलगत्तै भिम सार्की पनि रनआउट भए। उनले १ बलमा १ रन बनाए।
अहिले हरि चौहान र कुशल मल्ल ब्याटिङ गरिरहेका छन्। हरिले २३ बलमा १२ रन बनाएका छन्।
४२ ओभरमा झारिएको खेलमा ३५ ओभर सकिँदा नेपालले ५ विकेट गुमाएर १३७ रन बनाएको छ।
नेपाल एसिया कपको समूह ‘बी’ मा टेष्ट राष्ट्र श्रीलंका र बंगलादेशका साथै युएईसँग रहेको छ। समूह ‘ए’ मा भारत, पाकिस्तान, अफगानिस्तान र कुवेत छन्। समूहका शीर्ष दुई दुई टोली सेमिफाइनल पुग्ने छन्।
दोस्रो खेलमा नेपालले आइतबार बंगलादेशसँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764501638.png)
-1764498344.png)
-1764146706.png)
-1763721444.png)
-1763559424.jpg)
-1764080971.png)
