काठमाडौं- रत्नपार्कमा गएरारति ट्रकको ठक्करबाट मोटरसाइकल चालक घाइते भएका छन्।
राति ११ बजे ना ४ ख १८०७ नम्बरको ट्रकको ठक्करबाट बा ३९ प ६८ ३० नम्बरको मोटरसाइकल चालक कीर्तिपुर नगरपालिका १५ ट्याङलाफाटका ४४ वर्षीय कृष्णप्रसाद दाहाल घाइते भएका हुन्।
दुर्घटनापछि फरार ट्रक चालकलाई कालिमाटीबाट प्रहरीले साढे ११ बजे नियन्त्रणमा लिएको थियो। घाइते दाहालको वीर अस्पतालमा उपचार भइरहेको छ।
यस्तै काठमाडौंकै हयुमतमा गएरारति साढे १० बजे बा ७६ प १८०७ नम्बरको मोटरसाइकल दुर्घटना हुँदा टेकु भोटेबहालका ३२ बर्षीय जेके खड्की घाइते भएका छन्।
बाँया खुट्टा भाँचिएका घाइतेको ट्रमा सेन्टरमा उपचार भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
