काठमाडौं- १३ औँ दक्षिण एसियाली खेलकुद सागको तयारीका लागि कीर्गिस्तानमा हुने नादेझ्दा कप खेल्ने नेपाली महिला फुटबल टोलीको बिदाइ गरिएको छ।
सागकै लागि प्रशिक्षक हरि खड्काको नेतृत्वमा नेपाली प्रारम्भिक टिम अभ्यासमा नै थिए। त्यसैबाट १८ खेलाडी नादेझ्दा कपका लागि छानिएका हुन्। नेपाली टिम बिहीबार कीर्गिस्तान जानेछ।
आउँदो २२ देखि २६ गतेसम्म हुने प्रतियोगितामा कीर्गिस्तान र नेपालसहित ताजिकिस्तान र उज्वेकिस्तानले भाग लिने छन्। राउन्ड रोबिनका आधारमा खेलिने प्रतियोगिताको शीर्ष दुई टिमले फाइनल खेल्नेछन्।
नेपालले पाँच दिनमा नै चार खेल खेल्ने तालिका रहेको छ। जसअनुसार भदौ २२ गते आयोजक कीर्गिस्तानसँग, २३ गते दोस्रो खेलमा उज्वेकिस्तानसँग र तेस्रो खेलमा २४ गते ताजिकिस्तानसँग खेल्नेछ। २५ गते एक दिन मात्रै विश्रामपछि तेस्रो स्थानका लागि हुने खेलसँगै फाइनल खेल २६ गते हुने तय भएको छ।
गएको वर्ष चैतमा नेपालमा नै आयोजना भएको महिला साफ च्याम्पियनसिपमा नेपाल फाइनलमा भारतसँग पराजित भएको थियो। साफअघि भारतमा भएको हिरो गोल्डकपमा पनि नेपाल उपविजेता मात्रै बन्यो, यसैले नेपालमा नै हुने सागमा स्वर्ण जित्ने दबाव र अवसर नेपालसँग रहने छ।
.jpg)
१३ औं साग काठमाडौं, ललितपुर र पोखरामा मंसिर १५ देखि २४ गतेसम्म आयोजना हुँदै छ। जसमा महिला फुटबल पोखरा रंगशालामा हुने तय भएको छ।
को को छन् टोलीमा ?
गोलकिपर – एन्जिला तुम्बापो सुब्बा, अन्जना राना मगर
डिफेन्डर – पुनम जर्घामगर, हिरा कुमार भुजेल, अमृता जैशी, गीता राना, कविता धिमाल
मिडफिल्डर – दिपा राई, रेनुका नगरकोटे, अनिता बस्नेत, मन्जली कुमारी योञ्जन, सरु लिम्बु, बिमला चौधरी, इन्दिरा राई
फरवार्ड – सावित्रा भण्डारी, निरु थापा, रेखा पौडेल, अनिता केसी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764501638.png)
-1764498344.png)
-1764146706.png)
-1763721444.png)
-1763559424.jpg)
-1764080971.png)
