काठमाडौं - पाँच पटकका विजेता रोजर फेडेरेर युएस ओपन टेनिस प्रतियोगिताबाट बाहिरिएका छन्।
उनलाई ७८ औँ वरियताका बुल्गेरियाका ग्रिगर डिमितरोभले ३-६, ६-४, ३-६, ६-४ र ६-२ को सेटमा हराएका हुन्। खेल चलिरहँदा फेडेरर डाँड दुख्ने समस्यामा समेत परेका थिए।
अब अन्तिम चारमा डिभितरोभले रसियाका डानियल मेदभेदेभसँग खेल्नेछन्।
गएको वर्ष फेडेरर अन्तिम १६ को खेलमा अस्ट्रेलियाका जान मिलम्यानसँग हारेका थिए। यसवर्ष पनि खराब हार भोगेपछि फेडेरर लगातार दुई सिजन आफूभन्दा निकै पछिका प्रतिस्पर्धीसँग हारेका छन्।
२० पटक ग्राण्डस्लाम जितेका फेडेररले आफूको डाँडमा देखिएको समस्याले नै राम्ररी खेल्न नसकेको बताएका छन्। ‘म खेल्न सकिरहेको थिएँ तर पनि डाँडको चोट दुखिरहेको थियो। दुई दिनपछि मात्रै खेल भएको भए अझ राम्रो हुन्थ्यो कि भन्ने लागेको छ’ उनले भनेका छन्।
फेडेरर बाहिरिएसँगै अब उनका प्रतिस्पर्धी मानिएका राफेल नाडाललाई केही सहज हुने अनुमान भइरहेका छन्। नाडालले क्वार्टरफाइनलमा बुधबार राति अर्जेन्टिनाका डिएगोसँग खेल्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764501638.png)
-1764498344.png)
-1764146706.png)
-1763721444.png)
-1763559424.jpg)
-1764080971.png)
