काठमाडौं– विभागीय नेपाल एपिएफ क्लब १३औं रेडबुल ढोरपाटन युएम महिला डबल लिग भलिबल प्रतियोगिताको च्याम्पियन बनेको छ।
नयाँ बसपार्कस्थित ढोरपाटन भलिबल क्लबको खेल मैदानमा बिहिबार भएको लिग चरणको अन्तिम खेलमा शिवम् न्यु डायमण्ड एकेडेमीलाई ३–० को सोझो सेटमा पराजित गर्दै एपिएफ च्याम्पियन बन्न सफल भएको हो।
अपराजित रहेको एपिएफले १७ खेलबाट ५० अंक जोड्दै दोस्रो स्थानको डायमण्डलाई ४ अंकले पछि पार्यो। न्यु डायमण्डले १७ खेलबाट ४६ अंकमात्र जोड्न सक्यो। डायमण्डले अन्य दिनका खेलभन्दा निकै निरारशजनक प्रदर्शन गर्दा पहिलो सेट २५–१६ ले गुमाएको थियो। दोस्रो सेट २५–१७ ले गुमाउदा तेस्रो सेट २५–१२ ले एपीएफलाई सुम्पिएको थियो। तेस्रो र चौथो स्थान भने छुट्याइएको छैन।
शनिबारै पोखराको टप्स उच्च माविले नेपाल पुलिस क्लबलाई ३–२को रोमाञ्चक सेटमा पराजित गर्यो । पहिलो सेट २५–२१ ले आफ्नो पक्षमा पारेको टप्सले दोस्रो सेट २५–२७ ले गुमाएको थियो । तेस्रो सेटमा उत्कृष्ट प्रदर्शन गर्दै टप्सले २५–१९ ले खेल आफ्नो पक्षमा पार्दा खेल टप्सले २–१ ले अग्रता बनायो । चौथो सेट १०–२५ ले गुमाएपछि खेल २–२ को बराबरीमा पुगेको थियो । निर्णायक सेटमा ८–२ ले पछि रहेको स्थिति उल्ट्याउदै टप्सले १७–१५ ले खेल आफ्नो पक्षमा पार्दै पुलिसमाथि रोमाञ्चक जित निकाल्न सफल भयो । जितपछि टप्स १७ खेलबाट ३५ अंक जोड्दै पुन तेस्रो स्थानमा उक्लिन सफ भयो । एक खेल कम खेलेको पुलिस ३३ अंकसहित चौथो स्थानमा छ ।
शुक्रबार पुलिसले २–१ को अग्रता बनाएको थियो । चौथो सेटमा पनि पुलिसले १६–६ को अग्रता लिएको अवस्थामा रेफ्रीले लाइट प्रोटेष्टको कारण देखाउदै खेल स्थगित गरेको थियो । त्यसपछि उक्त खेल हुन सकेको छैन ।
उपाधिसँगै एपीएफले ३ लाख २५ हजार रुपैया प्राप्त गर्यो । उपविजेतामा सीमित डायमण्डले १ लाख ७० हजारमा चित्त बुझायो । विजयी खेलाडीहरुलाई ढोरपाटन नगरपालिकाका मेयर देवकुमार नेपाली, नेपाल भलिबल संघका अध्यक्ष मनोरन्जनरमण शर्मा, महासचिव जितेन्द्र बहादुर चन्द, ढोरपाटनका अध्यक्ष मनवीर छन्त्याल, आइएमईं अटोमोटिभ्सका मार्के्िटङ डाइरेक्टर दिपेश कायस्थले पुरस्कृत गरे ।
व्यक्तिगत विधातर्फ शिवम् न्यु डायमण्डकी सलिना श्रेष्ठ लिब्रु र कृपा अधिकारी उत्कृष्ट लिफ्टर घोषित भईन्। यस्तै एपीएफकी रेश्मा भण्डारी ब्लकर, ज्ञानेन्द्र विष्ट प्रशिक्षक घोषित भए। पुलिसकी कोपिला राना क्वीकर र टप्सकी अरुणा शाही उत्कृष्ट सर्भर घोषित भईन्। उनीहरु सबैले समान ५ हजार पाए।
उदियमान खेलाडीः शर्मिला नेपाली (श्रीगाँउ खेलकुद विकास समिति दाङ)
प्लेयर अफ दि सिरिजः निरुता ठगुन्ना (त्रिभुवन आर्मी क्लब)
प्लेयर अफ दि इयरः सरस्वती चौधरी (नेपाल एपीएफ क्लब)
उत्कृष्ट खेलाडीः प्रतिभा माली (शिवम् न्यु डायमण्ड एकेडेमी)
उत्कृष्ट दर्शकः राजकुमार घताने (पोखरा)
उत्कृष्ट सबैले युएम पावरम्याक्स स्कुटर प्राप्त गरे।
तस्बिर : रञ्जन खड्का
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
