नयाँ दिल्ली (एजेन्सी)– एकदिवसीय क्रिकेटमा ३ वटा दोहोरो सतक बनाउने विश्व कै एकमात्र व्याट्सम्यान रोहित शर्माको व्याटिङको कमजोरी दक्षिण अफ्रिकामा उजागर भएको छ। अफ्रिकामा रोहितको खराब व्याटिङ प्रदर्शन यसपालि मात्र भएको होइन्, उनी अफ्रिकी भ्रमणमा सधै ‘फ्लप’ सावित हुँदै आइरहेका छन्।
उनले अफ्रिकामा गरेको प्रदर्शनको सूची केलाउने हो भने उनको कमजोर व्याटिङको रहस्य खुल्नेछ। उनले अफ्रिकामा ९ खेलमध्ये ८ मा व्याटिङ गरेका छन्। जसमा १३ को औसतले उनी १ सय ६ रन मात्र बनाउन सफल छन्। सबै जोड्दा उनको ८७ को स्ट्राइकर रेट तल झरेर ५३ मा पुगेको छ। २३ रनको प्रदर्शन उनको सर्वाधिक हो। यो उनले २०११ मा बनाएका थिए।
दक्षिण अफ्रिकामा उनको प्रदर्शन खराब हुनुको कारण यसप्रकार छः
मोर्केललाई खेल्न नसक्नु
उसो त तीब्र बलरको अगाडि भारतीय व्याट्सम्यानको प्राविधिक दक्षता पहिलेदेखि नै कमजोर मानिन्छ। यस्तो स्थितिमा रोहित शर्मा अपवाद कसरी बन्न सक्लान! दक्षिण अफ्रिका र अस्ट्रेलिया जस्तो देशमा बल असामान्य रुपमा उठ्ने गर्छ, जसमा रोहित कमजोर देखिएका छन्। दक्षिण अफ्रिकामा ८ पल्ट व्याटिङ गर्ने क्रममा रोहित ४ पल्ट तीब्र बलर मोर्ने मोर्केलको सिकार भएका छन्। मोर्केलले २ पल्ट रोहितलाई क्याच, एक पल्ट एलबिडब्ल्यु र एक पल्ट बोल्ड गरेका छन्।
तीब्र बलरको अगाडि घुँडा टेक्दै
तीब्र बलर र स्विङको अगाडि एउटा व्याट्सम्यानले आफ्नो ‘सर्ट’ लाई कसरी छनोट गर्छ, यसले नै उसलाई राम्रो क्रिकेटरको रुपमा परिभाषित गर्छ। तर, एकदिवसीयमा तीनवटा दोहोरो सतक बनाउने रोहित यस विषयमा फेल हुँदैगइरहेका छन्। दक्षिण अफ्रिकामा खेलिएको सबै खेलमा उनी तीब्र बलरको सिकार भएका छन्। एक खेलमा भने उनी रन आउट भए। यही कारण उनको व्याटिङलाई लिएर प्रश्न उठ्न थालेको छ।
दुई पल्ट बोल्ड, एक पल्ट रन आउट
क्रिकेटमा क्याच आउट हुनु राम्रो मानिन्छ, क्लिन बोल्डको तुलनामा। तर, रोहित शर्मा दक्षिण अफ्रिकामा यो विषयमा लगातार फेल हुँदैगइरहेका छन्। ८ इनिङमा उनी दुई पल्ट क्लिन बोल्ड भएका छन्।
सर्ट पिच बल खेल्न गाह्रो
रोहितले पहिलो पल्ट २०११ मा दक्षिण अफ्रिकामा खेलेको थिए। आफ्नो पहिलो खेलमै उनी ११ रनमा मोर्केलको सिकार बनेका थिए। मोर्केलको तीब्र गतिमा उठेको बललाई हिर्काउने क्रममा उनी एबी डीभिलियर्सलाई क्याच थमाउँदै पवेलियन फर्किएका थिए। यस्तै, उनी चौथो खेलमा अर्का तीब्र बलर सोत्सबोएको बलमा जेपी डुमिनीलाई क्याच थमाएर बाहिरिए। सोत्सबोएले पनि उनलाई ३ पल्ट आफ्नो सिकार बनाएका छन्। उनले २ पल्ट क्याच र एक पल्ट रोहितलाई बोल्ड गरेका थिए।
अफ्रिकामा रोहितको प्रदर्शन
१२ जनवरी २०११– ११ रन– मोर्ने मोर्केल (क्याच आउट)
१५ जनवरी २०११– ९ रन– मोर्ने मोर्केल (एलबिडब्ल्यु)
१८ जनवरी २०११– २३ रन– मोर्ने मोर्केल (बोल्ड)
२१ जनवरी २०११– १ रन– सोत्सबोए (क्याच)
२३ जनवरी २०११– ५ रन– सोत्सबोए (बोल्ड)
५ डिसेम्बर २०१३– १८ रन– रनआउट
८ डिसेम्बर २०१३– १९ रन– सोत्सबोए (क्याच)
१ फेब्रुअरी २०१८– २०– मोर्ने मोर्केल (क्याच)
(जसमीत भारतीय अखबारमा क्रिकेटमा कलम चलाउँछन्।)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
