नयाँ दिल्ली (एजेन्सी)– आइपिएलमा भर्खरै भएको लिलामीको क्रममा पञ्जाबले मन्जुर डारलाई २० लाख भारुमा आफ्नो टोलीमा समावेश गर्यो। आइपिएलको लिलामीमा पर्नुअघि मन्जुर जम्मु–कश्मिरको एउटा गाउँमा मजदुरी गर्ने गर्थे। उनको दैनिक तलब ६० रुपैयाँ भारु थियो।
उनी आइपिएलबाट प्राप्त रकम आफ्नो रोगी आमाको उपचार गराउन चाहन्छन्। उनले भने–‘म यो अवसरका लागि अल्लाहसँग नतमस्तक छुँ। किङ्स इलेभन र प्रिती जिन्टाप्रति पनि आभार छुँ। जब मलाई खरिद गर्ने निर्णय भयो, म गाउँमा मजदुरी गरेको दिन सोचेर भावुक भएँ। मेरो दैनिक कमाई ६० रुपैयाँ थियो।’
उनले तीन वर्षदेखि घर बनाइरहेको बताए। जुन अहिलेसम्म पुरा हुन सकेको छैन्। तर, आइपिएलमा लिलामीपछि उनको आत्मविश्वास बढेको छ। उनी अब घर बनाउने काम पनि पुरा हुनेमा विश्वस्त छन्। भन्छन्, ‘म यो पैसाको सदुपयोग बिरामी आमालाई उपचार गरेर गर्न चाहन्छु।’
मन्जुरले क्रिकेट खेल्नका लागि आफूले राती सुरक्षागार्डको नोकरी गर्ने गरेको बताए। उनी दिनभरी क्रिकेट खेल्थे। उनले भने, ‘मसँग यो बाहेक अरु उपाय थिएन। २००८ देखि २०१२ सम्म मैले राती सुरक्षाकर्मीको काम गरे।’
उनी २०१२ मा क्लब क्रिकेटसँग जोडिए। उनले बढी पैसा कमाउन आफूसँग क्रिकेट खेल्नुबाहेक अन्य विकल्प नभएको स्पष्ट पारे। ‘मलाई अझै याद छ, जतिबेला मैले क्लब क्रिकेट खेले, त्यतिबेला मसँग जुत्ता पनि थिएन,’ उनले भने।
घरेलु टि–२० प्रतियोगितामा युवराज सिंहविरूद्ध खेलिसकेका डार भन्छन्, ‘युवराजविरूद्ध खेल्नु मेरोलागि गौरवको कुरा थियो। कपिल देव र महेन्द्रसिंह धोनी मेरो आदर्श हुन्। म सधै धोनीको पारामा छक्का हान्न चाहन्छुँ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
