नयाँ दिल्ली (एजेन्सी)– यसै साता भारतमा भएको इन्डियन प्रिमियर लिग (आइपिएल) को एघारौं संस्करणमा केही यस्ता खेलाडी पनि देखिए, जसको उमेर १८ वर्ष थियो र उनीहरू करौडौंको मूल्यमा विक्री भए।
भारतको बेङ्लुरुमा जनवरी २७ र २८ मा भएको लिलामीमा युथ–१९ टिमका केही खेलाडीको भाग्य चम्किएको हो। यसपालिको आइपिएलमा ३ सय ६० भारतीयसहित ५ सय ७८ खेलाडी लिलामीमा समावेश थिए।
एघारौं संस्करणको आइपिएलमा एक हजारभन्दा बढी खेलाडीले आफूलाई लिलामीमा राखेका थिए। तर, भारतीय क्रिकेट बोर्ड (बिसिसीआई) ले यी खेलाडीबाट छनोट गर्दै ५ सय ७८ जनालाई मात्र लिलामीमा राख्ने निर्णय गरेको थियो।
उमेर १८ भएपनि करोडपति बन्ने भाग्यमानीमा भारतीय युथ–१९ टिमका तीन खेलाडी परेका छन्। ती नाम यसप्रकार रहेको छः
१. १ सय ५० को तीब्र बेगमा बल फ्याँक्न सक्ने खुबी भएका र ‘बाडमेर एक्सप्रेस’ को उपनामले चिनिने कमलेश नागरकोटीलाई बलिउडका नायक ‘किङ खान’ ले ३ करोड २० लाख भारुमा किनेका थिए। राजस्थानका यी युवा तीब्र बलर आइपिएलमा यसपालि शाहरुख खानको कोलकाता नाइटराइडर्सबाट खेल्दैछन्।
२. शाहरुख खानकै कोलकाता नाइटराइडर्सले अर्का युवा व्याट्सम्यान शुभम गिलमाथि १ करोड ८० लाखको बोली लगायो। घरेलु स्पर्धामा उत्कृष्ट प्रदर्शन गरेका गिल बिस्फोटक व्याटिङका लागि चिनिन्छन्।
३.भारतको युथ–१९ टिमका कप्तान पृथ्वी शाँलाई दिल्ली डेयरडेभिल्सले १ करोड २० लाखमा किनेको छ। शाँले मुम्बईबाट खेल्ने क्रममा पाँचवटा सतक जमाइसकेका छन्। उनले आफ्नो पहिलो रणजी खेलमै सतक बनाएका थिए। शाँको नाममा ९ पहिलो श्रेणी खेलमा ५ सतक र ३ अद्र्धसतकको कीर्तिमान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
