रामेछाप– सुदूरपश्चिमाञ्चल विकास क्षेत्र, शान्तिदीप युवा क्लब र नमुनादीप युवा क्लब तेश्रो रामेछाप सिभिल भलिबल च्याम्पियनसीपमा समुहमा पहिलो स्थान हात पार्दै क्वार्टफाइनल प्रवेश गरेका छन्। यसैगरी, पूर्वाञ्चल विकास क्षेत्र, मध्यपश्चिमाञ्चल विकास क्षेत्र र हिमगंगा पनि समुहमा दोश्रो स्थान पाउदै क्वार्टरफाइनल प्रवेश गरे। लोकतान्त्रिक खेलकुद संघ रामेछाप र मन्थली युनाइटेड क्वार्टरफाइनलमा प्रबेश गरे पनि यी दुईबीच समूह विजेताको टुंगो शुक्रबार लाग्ने छ।
रामेछाप जिल्ला खेलकुद विकास समितीको आयोजनमा जारी प्रतियोगिताको बिहिबार भएको खेलमा सुदुर पश्चिमाञ्चलले मध्यमाञ्चललाई २५–१५,२५–१७ र २५ –१५ ले तथा पूर्वाञ्चललाई २५–१६,२५–१५ र २८ –२६ ले हराउदै समुह एमा पहिलो भयो। सो समुहमा पूर्वाञ्चल दोश्रो भयो। यसै समुहमा रहेको मध्यमाञ्चल प्रतियोगिताबाट बाहिरिएको छ। यसैगरी, समुह बीको खेलमा लोकतान्त्रीक खेलकुदले पश्चिमाञ्चललाई १४–२५, २५–१९,१९–२५,२५–१७ र १५ –११ ले हरायो। मन्थली युनाइटेडले पनि पश्चिमाञ्चललाई २७–२५,२७–२५ र २५ –१८ ले हराउँदै समुह बीबाट नकआउट चरणमा प्रबेश गरे । यस समुहबाट पश्चिमाञ्चल बाहिरिएको छ।
मध्यपश्चिमलाई २५–१३,२५–१८ र २५ –१९ ले हराउँदै शान्तिदीपले समुह सीमा पहिलो स्थान पायो। समुह डीमा हिमगंगालाई २५–१८,२५–१४ र २५ –२० ले हराउदै नमुनादीप पहिलो भएको हो।
लिगकम नकआउट आधारमा जारी प्रतियोगिता अन्तरगत शुक्रबार क्वार्टरफाइनल र सेमिफाइनल खेल हुने संयोजक सीताराम कार्कीले जानकारी दिए। शुक्रबार नै समुह चरणको एक खेल पनि हुने छ। शनिबार सम्पन्न हुने प्रतियोगिताको उपाधि विजेता टोलीले १ लाख ५० हजार तथा उपविजेता टोलीले १ लाख रुपैयाँ पुरस्कार पाउने छ। यसैगरी, तेश्रो हुने टोलीले ५० हजार रुपैयाँ पुरस्कार पाउने छ। ३५ हजार रुपैयाँ सान्त्वना पुरस्कार रहेको प्रतियोगितामा उत्कृष्ट खेलाडीले १० हजार रुपैयाँ पुरस्कार पाउने छन् । उत्कृष्ट, डिफेन्डर, ब्लकर,सेटर, स्पाइकर र सर्वरलाई ५ -५ हजार रुपैयाँ प्रदान गरिने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
