किराती मिथकमा आधारित गीतमाथि बन्यो म्युजिक भिडियो

इन्टरटेनमेन्ट लाइभ

नेपाल लाइभ मंगलबार, भदौ ३, २०७६ १३:३१

काठमाडौं- किराती पुर्खाहरु तायामा, खियामा र हेत्छाकुप्पाको मिथकमा आधारित म्युजिक भिडियो सार्वजनिक भएको छ।

गीतकार भूपाल राईको शब्द र दिनेश सुब्बाको संगीत रहेको गीतको म्युजिक भिडियो ‘नाना तायामा’ सार्वजनिक भएको हो। गीतमा रुपकुमार राई र राधा राईले स्वर दिएका छन्।

ललितपुरमा आयोजित सार्वजनिक कार्यक्रममा गीतकार राईले अहिले विचारको गीतको अभाव भएका बेला आफूले मिथकमा आधारित विचारको गीत लेखेको बताए। 'गीतको ट्रेन्ड अहिले बजार र विचारमा बाँडिएको छ,' उनले भने, 'मिथकमा गीत लेख्न निकै गाह्रो छ। यो गीतले संकेतमात्रै दिएको हो।'

संगीतकार दिनेश सुब्बाले संगीतका लागि आफूले राई संस्कृति र मिथक अध्ययन गर्नुपरेको खुलाए। 'म लिम्बू भएकाले पनि राईहरुको मिथकमा आधारित गीतमा संगीत गर्न निकै समय अध्ययन गर्नुपर्‍यो,' उनले भने।

निर्देशक तथा सिनेमाटोग्राफर युवराज राईले करिब ५ हजार वर्षअघिको कथामा रहेर म्युजिक भिडियो तयार गर्न प्राविधिक रुपमा धेरै मेहनत गर्नुपरेको भनाइ राखे।

भिडियोमा सेसुका राई, अस्मिता राई र रामदीप राईले अभिनय गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बढ्दो तनाव पछि भारत र पाकिस्तानको शेयर बजारमा भारी मात्रामा गिरावट

बजाज ग्रान्ड एक्सचेन्ज मेलाः नागरिकता मात्रैले बाइक पाइने

आज ७३औँ कानुन दिवस