१५ दिनभित्र मनोरन्जन करको बक्यौता भुक्तानी गर्न चलचित्र घरलाई काठमाडौं महानगरपालिकाको सूचना

इन्टरटेनमेन्ट लाइभ

नेपाल लाइभ मंगलबार, भदौ ३, २०७६ १०:२०

काठमाडौं– काठमाडौं महानगरपालिकाले चलचित्र घरहरुलाई आर्थिक वर्ष २०७५/७६ को मनोरन्जन कर बापतको बक्यौत भुक्तानीका लागि १५ दिने सूचना प्रकाशन गरेको छ।

बारम्बार पत्राचार गरे पनि आर्थिक वर्ष २०७५/७६ मा चलचित्र घरहरुले मनोरन्जन करबापत दर्शकबाट संकलन गरेको कर हालसम्म पनि स्थानीय सरकार (काठमाडौं महानगरपालिका) लाई नबुझाएको भन्दै १५ दिनभित्र बिक्री गरेको टिकटको विवरणसहित बम्यौत कर तिर्न महानगरले सूचना गरेको छ।

सूचनाको बर्खिलाप गरी कर भुक्तानी नगरेमा कानुन अनुसार कारबाही गरिने महानगरपालिकाको सूचनामा उल्लेख छ।

साथै महानगरपालिकाले प्रदेश ३ को आर्थिक ऐन २०७६ ले व्यवस्था गरेबमोजिम चलचित्र प्रदर्शन गर्दा प्रतिटिकट बिक्रीमा मनोरन्जन करबापत लिइएको ५ प्रतिशत हुन आउने रकम बुझाउन महिना समाप्त भएको २५ दिनभित्र बुझाइसक्न पनि भनेको छ।

संविधानमा भएको व्यवस्थाअनुसार मनोरन्जन कर उठाउने अधिकार स्थानीय तहसँग छ। सोही व्यवस्था अनुसार महानगरपालिकाले आज सार्वजनिक सूचना जारी गर्दै कर नतिर्न बाँकी रहेको चलचित्र घरलाई समयमै मनोरन्जन कर तिर्न ताकेता गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत–पाकिस्तान ड्रोन र मिसाइल हानाहान पछि भारतले बन्द गर्‍यो दुई दर्जन बढि विमानस्थल

नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त

आजको मौसमः पहाडी भू–भागमा आंशिक बदली, छिटपुट वर्षाको सम्भावना