काठमाडौं- निर्वाचन आयोगले राष्ट्रियसभा निर्वाचनका उम्मेदवारहरूलाई निर्वाचन चिह्न प्रदान गरेको छ।
निर्वाचन कार्यतालिका अनुसार आयोगले सोमबार दिउँसो २ बजेसम्म उम्मेदवारहरूलाई मनोनयन फिर्ता लिन समय दिएको थियो। कुल ५६ पदका लागि हुने निर्वाचनमा २४ जना उम्मेदवार निर्विरोध चयन भइसकेका छन्। अब ३२ पदका लागि ५२ जना चुनावी प्रतिस्पर्धामा छन्।
प्रदेश नम्बर १ मा महिला ३ र अन्य ३ गरी ६ जना उम्मेदवार निविरोध निर्वाचित भएका छन्। प्रदेश १ मा दलित १ र अपांगता भएका वा अल्पसंख्यक १ पद गरी जम्मा २ पदका लागि मतदान हुनेछ।
प्रदेश नम्बर २ मा सबै ८ जना सदस्य नै निर्विरोध निर्वाचित भएका छन्।
प्रदेश नम्बर ३ मा ८ वटै पदमा मतदान हुनेछ। त्यस्तै, प्रदेश ४ मा अपांगता/अल्पसंख्यक १ पदका उम्मेदवार निर्विरोध निर्वाचित भए पनि अन्य पदमा भने मतदान हुने आयोगले जनाएको छ।
प्रदेश नम्बर ५ मा महिला ३ पदमा निर्विरोध भइसकेका छन्। त्यस्तै अन्य ३, दलित १ र अपांगता/अल्पसंख्यक १ गरी ५ पदमा निर्वाचन हुनेछ।
त्यस्तै, प्रदेश ६ मा सबै पदमा निर्वाचन हुनेछ। प्रदेश ७ मा महिला ३ र अन्य ३ गरी ६ पदमा उम्मेदवारहरु निर्विरोध चयन भइसकेका छन्। सो प्रदेशमा दलित १ र अपांगता वा अल्पसंख्यक १ गरी २ पदमा निर्वाचन हुने आयोगद्वारा जारी विज्ञप्तिमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
