पर्थ (एजेन्सी)– सरेका स्विङ बलर टम कुरानले ३५ रन खर्चेर ५ विकेट लिएपछि अस्ट्रेलियाले पाँचौ तथा अन्तिम एकदिवसीय १२ रनले इंग्ल्यान्डलाई सुम्पिएको छ।
पर्थको नयाँ स्टेडियममा ५३ हजार ७ सय ८१ दर्शक उपस्थित भएको खेलमा पश्चिमी अस्ट्रेलियाका तीन व्याट्सम्यान एन्ड्रयु टाई, मार्कुस स्टोइनिस र मिचेल मार्शले घरेलु टोलीका लागि उत्कृष्ट सुरुवात दिलाएका थिए। तर, कुरानले यी सबैको प्रयत्नलाई असफल तुल्याए। यो जितसँगै इंग्ल्यान्डले शृंखला ४–१ ले आफ्नो पोल्टामा पार्यो।
अस्ट्रेलियाले टस जितेर इंग्ल्यान्डलाई व्याटिङको निम्तो दिएको थियो। जसमा भ्रमणकारी टोलीले कप्तान जोए रुटको ६२ रनको योगदानमा ४७ दशमलव ४ ओभरमा सबै विकेट गुमाएर २ सय ५९ रन बनायो। रुटको घर बाहिर यो १८ औं र नीजि २६ औं एकदिवसीय अर्धसतक थियो।
यसअघि प्रारम्भिक व्याट्सम्यान जासन रोए (४९) र जोनी बेयरस्ट्रो (४४) ले पहिलो विकेटका लागि ७१ रनको साझेदारी गर्दै इंग्ल्यान्डलाई गतिलो सुरुवात दिलाएका थिए। एलेक्स हल्सले ३२ रन बनाए। एन्ड्रयु टाईले पनि ५ विकेट लिए।
अस्ट्रेलियाले ४८ दशमलव २ ओभरमा सबै विकेट गुमाएर २ सय ४७ रन मात्र बनायो। सुरुवात राम्रो गर्न नसकेको अस्ट्रेलिया त्यतिबेला ठूलो संकटमा देखियो, जब मार्कुस स्टोइनिसले मोइन अलीको बलिङमा हानेको बल कुरानले लङ अनमा समाते। स्टोइनिसले ६ चौका र एक छक्काको सहयोगले ८७ रन बनाएका थिए। पुछारमा राम्रो खेलिरहेका पाइनेलाई ३३ रनमा कुरानले बोल्ड गरे। कप्तान स्टिभ स्मिथ पुनः १२ रनमा आउट भए। अलीले ३ विकेट लिए।
खेलको म्यान अफ दि म्याच कुरान घोषित भए। इंग्लिस कप्तान रुट म्यान अफ दि सिरिजबाट सम्मानित भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
