काठमाडौं- भारोत्तोलनमा नेपाल पुलिस क्लबकी तारादेवी पुनले राष्ट्रिय कीर्तिमान कायम गरेकी छिन्।
काठमाडौं जिल्ला भारोत्तोलन संघले आयोजना गरेको नेपाल स्टङ्गेष्ट तेश्रो सुनिललाल जोशी स्मृती भारोत्तोलन प्रतियोगितामा पुनले दोश्रो दिन क्लिन एन्ड जर्कतर्फ राष्ट्रिय कीर्तिमान कायम गरेकी हुन्। उनले आठौं राष्ट्रिय खेलकुदमा राखेको ९७ केजीमा सुधार गर्दै ९८ केजीका साथ कीर्तिमान बनाएकी हुन्।
सिनियर ७६ केजी तौलमा खेलेकी पुनले स्नाचमा ७२ केजी र कूलमा १७० केजीका साथ स्वर्ण हात पारिन्। दोश्रो स्थानमा रहेकी एपिएफकी जयन्ती श्रेष्ठले स्नाचमा ५५ केजी र क्लिन एण्ड जर्कमा ६० केजी गरी कूल ११५ केजी भार बहन गरिन्। तेश्रो स्थानमा दाङ्गकी कल्पना चौधरी रहिन्। उनले स्नाचमा ४० केजी र क्लिनमा ५० गरी कूल ९० केजी भार बहन गरिन्।
यस्तै, १ सय केजी तौल समूहमा पुलिसकी लक्ष्मी वनले तीन राष्ट्रिय किर्तिमान राखिन्। उनले आठौं राष्टिय खेलकुदमा राखेको आफ्नै किर्तिमानमा सुधार गरेकी हुन्। वनले स्नाचमा ६५ केजी र क्लिनमा ८३ केजी गरी कूल १४ केजी भार बहन गर्दै तीनै विधामा किर्तिमान बनाएकी हुन्। यसअघि उनको नाममा ६४, २ र कूल १८६ केजीको रेकर्ड थियो। सेनाकी मनकुमारी कुमालले स्नाचमा ५ र क्लिनमा ६५ गरी कूल १२३ केजीका साथ रजत पाइन्।
सिनियरकै ८७ केजी तौलमा पुलिसकी विद्या राईले क्लिन एन्ड जर्कमा ७६ केजीका साथ नयाँ किर्तिमान कायम गरिन्। उनले आफ्नै ७५ केजीको कीर्तिमानमा सुधार गरेकी हुन्। राईले स्नाचमा ५३ केजी र कूलमा १२९ केजी भार बहन गरिन्। उदयपुरकी कान्ता भुजेलले स्नाचमा ३५ र क्लिनमा ४५ गरी कूलमा ८० केजीका साथ रजत हात पारिन्।
पुलिस क्लबकी तारादेवी पुन।
७० केजी माथिको तौलमा नेपाली सेनाकी अस्मिता राईले स्नाचमा ५, क्लिनमा ७० गरी कूल १२८ केजी भारका साथ तीनै विधामा किर्तिमान राखिन् । यसअघि उनले आठौं राष्ट्रिय खेलकुदमा ५३ केजी ६८ केजी र कूलमा १२१ केजीको किर्तिमान राखेकी थिइन्। नेपाल पुलिसकी सुधा थापाले स्नाचमा ५३ क्लिनमा ६७ गरी कूलमा १ सय २० केजीका साथ रजत जितिन्। सिराहाकी मनिता चौधरीले कास्य हात पारिन्। उनले स्नाचमा ४२, क्लिनमा ६० र कूलमा १०२ केजी भार बहन गरिन्।
पुरुषको ६७ केजी जुनियरमा पुलिसका प्रकाश केसीले स्नाचमा १०६ केजी र क्लिन एन्ड जर्कमा १२५ गरी कूल २३१ भारका साथ तीन विधामा राष्ट्रिय किर्तिमान बनाए। उनले आठौं राष्ट्रिय खेलकुदमा १०३, १२२ र २२५ केजीको किर्तिमान राखेका थिए। वीरगन्ज युनाइटेडका निरज गुप्ताले ७०, ९० र १६० केजीका साथ रजत तथा कास्कीका किरण घर्तीमगरले ६०, ७१ र कूल १३१ केजीका साथ कास्य पाए।
सिनियरतर्फ नेपाली सेनाका जीवन तामाङले स्नाचमा ३ केजी, स्नाचमा १० गरी कुल १९१ केजीका साथ स्वर्ण, सेनाकै सन्तोष थपलियाले ३, १०७ र १९० केजीका साथ रजत तथा कास्कीका धनबहादुर झाँक्रिमगरले ८५, ९ र १८३ केजीका साथ रजत जिते।
पुरुषको ७३ केजी जुनियरमा विरगन्ज युनाइटेडका सजरुद्धिन आलमले स्नाचमा ७३, क्लिनमा ५२ र कूलमा १६५ केजीका साथ स्वर्ण, एपिएफका सुलभ बस्नेतले ७३, २ र कूल ८२ केजीका साथ रजत तथा विरगन्ज युनाइटेडका सुनिल कुमार सर्राफले ३५, ४५ र कूल ८० केजीका साथ कास्य पाए।
सिनियरतर्फ सेनाका यज्ञ बहादुर सारुले स्नाचमा ९, क्लिनमा १२७ र कूलमा २२५ केजीका साथ स्वर्ण, सेनाकै हेम नारायण श्रेष्ठले ८७, १०७ र १९४ केजीका साथ रजत तथा धनुषाका सरोज यादवले ६५, ८६ र १५१ केजीका साथ कास्य हात पारे।
पुरुष १ केजी तौलमा नेपाल पुलिसका विकाश थापाले तीन कीर्तिमान राखे। उनले स्नाचमा १२० केजीका साथ राष्ट्रिय किर्तिमान राखे। उनले आफैंले आठौं राष्ट्रिय खेलकुदमा राखेको ११५ केजीमा ५ केजीले सुधार गर्दै कीर्तिमान राखेका हुन्। उनले क्लिनमा पनि एक केजी बढी उचाल्दै १३६ केजी भारका साथ किर्तिमान कायम गरे। उनले कूलमा २५० केजीबाट तौल बढाई २५६ केजीका साथ राष्ट्रिय कीर्तिमान बनाएका हुन्।
दोश्रो स्थानमा रहेका एपिएफका महेश चौधरीले १०५ केजी स्नाच, १३० केजी क्लिन र २३५ केजीका साथ रजत तथा एपिएफकै सन्तोष चौधरीले ९० स्नाच, १२१ क्लिन र कूल २११ केजीका साथ कास्य पाए।
जुनियरतर्फ बाँकेका सुरज वैश्यले स्नाचमा ८०, क्लिनमा १०१ गरी कूल ११ केजीका साथ स्वर्ण, कञ्चनपुरका विकाश भट्टले ७०, ९२ र १६२ केजीका साथ रजत तथा छोटु स्टेसनरी एन्ड सप्लायर्सका सञ्जय यादवले ५५, ३ र कूल १३० का साथ कास्य पाए।
८९ केजी तौलमा सेनाका दिनेश कार्कीले आफ्नै नाममा रहेको कीर्तिमानमा सुधार गर्दै दुई राष्ट्रिय कीर्तिमान बनाए। उनले आठौंमा राखेको क्लिन एन्ड जर्कमा १३२ केजीमा सुधार गर्दै १३५ केजी उचाल्दै कूलमा पनि २३० केजीलाई बढाउँदै २४० केजीका साथ दुई किर्तिमान राखेका हुन्। कार्कीले स्नाचमा १०५ केजी भार बहन गरे।
दोश्रो स्थानमा रहेका पुलिसका ओम प्रकाश वैश्यले स्नाचमा १०५ केजी भारका साथ किर्तिमान बनाए। वैश्यले १०५ केजी दोश्रो प्रयासमा उचाल्दै किर्तिमान बनाएका थिए। कार्कीले तेश्रो प्रयासमा १०५ केजी उचालेता पनि पहिले किर्तिमान बनिसकेकाले उनले बराबरी मात्र गरे। वैश्यले क्लिनमा १३० र कूलमा २३५ केजी उचाले। तेश्रो स्थानमा रहेका एपिएफका तिलक बहादुर थापाले स्नाचमा ९०, क्लिनमा १२५ र कूल २१५ केजी भार बहन गरे।
जुनियरतर्फ बाँकेका अश्विन सोनीले स्नाचमा ६२, क्लिनमा ६५ गरी कूल १२७ केजी उचाल्दै स्वर्ण जिते।
प्रतियोगितामा महिलातर्फ बेस्ट लिफ्टरमा सिनियरतर्फ पुलिसकी संगिता राई र जुनियरतर्फ पुलिसकै सञ्जु चौधरी घोषित भए। उनीहरुले ट्रफी, प्रमाणपत्र तथा नयाँ राष्ट्रिय किर्तिमान बनाउने खेलाडीहरुले १ हजार नगद प्राप्त गरे।
प्रतियोगितामा सिनियर महिला तथा पुरुष तथा जुनियर महिला तथा पुरुष गरी ४० तौल समूहमा ४० स्वर्ण पदकका लागि खेलाडीहरुले प्रतिस्पर्धा गरेका थिए।
करिब १२ लाख ७९ हजार २ सय रुपैयाँको लागत रहेको प्रतियोगितामा तीन विभागिय टोली र जिल्ला तथा क्लबका करिब ९० खेलाडी प्रतिस्पर्धामा सामेल छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
