लहान– टाउन प्लानिङ गरी लहान बजारलाई व्यवस्थित र स्मार्ट सिटीमा परिणत गर्ने योजनासहित लहान नगरपालिकाको पहिलो नगरसभा सम्पन्न भएको छ।
नगरसभाबाट पारित निर्णयहरु सार्वजनिक गर्न शुक्रबार आयोजित पत्रकार सम्मेलनमा मेयर मुनी साहले घण्टाघर, नगरसभा हल, डिजिटल वाचनालय वा संग्रहालय, चिडियाँघर निर्माणलाई प्राथमिक्तामा राखेको बताए। नयाँ बजार र चोकहरुलाई आकर्षक बनाउन योजना अघि सारिएको उनले बताए।
लहान नगरका सडकलाई १८ किलोमिटरसम्म कालो पत्रे र कच्ची सडकमा ग्राभेल गर्ने, वृद्धाश्रम सेफ हाउस, दलित, गरिब विपन्नलाई घरबाटो प्रमाणित सेवा शुल्कमा ५० प्रतिशत छुट दिनेजस्ता निर्णय लिइएको प्रमुख साहले जनाए।
नगरसभाले चालु आर्थिक वर्ष ०७४/०७५ का लागि १ अर्ब ४७ करोड २७ लाख ४० हजार ३ सय २७ रुपैयाँको बजेट पारित गरेको छ। आयतर्फ आन्तरिक स्रोतबाट १० करोेड ४४ लाख ९३ हजार ३ सय २७, राजस्व बाँडफाँट (रजिस्टेसन तर्फ) बाट १ करोड, अन्यतर्फ १२ करोड, नेपाल सरकारबाट ५८ करोड ३१ लाख ४७ हजार, प्रदेश सरकारबाट ४ करोड २० लाख, नेपाल सरकारबाट विशेष अनुदान ४० करोड, सडक बोर्डबाट ५५ लाख, इएफएलजीबाट ४६ लाख, जनसहभागिताबाट ३० लाख र बैंक तथा दातृ निकायबाट २० करोड गरी १ अर्ब ४७ कारेडरु पैयाँको आय अनुमान गरिएको छ।
व्याय खर्चतर्फ २७ करोड ४४ लाख १३ हजार, सेवा खर्चतर्फ ५ करोड ३७ लाख ३५ हजार ५ सय, वित्तीय व्यवस्थापनतर्फ ५ लाख, पुँजी निर्माणतर्र्फ ५ करोड ९० लाख १५ हजार, निर्माण खर्चतर्फ १ अर्ब ८ करोड ५० लाख ९१ हजार ८ सय २७ रुपैयाँ विनियोजन गरिएको नगरप्रमुख साहले जानकारी दिए।
नेपाली कांग्रेस र संघीय समाजवादी फोरम नेपालका तर्फबाट निर्वाचित केही वडा अध्यक्षले बजेट विनियोजनमा मेयर पूर्वाग्रही भएको आरोप लगाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
