अमेरिकाको क्यालिर्फोनियास्थित एक फुड फेस्टिबलमा आइतबार साँझ भएको गोली प्रहार काण्डमा दुई बालिकाको ज्यान गयो। प्रहरीका अनुसार यसरी मारिनेमा ६ वर्षका र १३ वर्षका बच्चाहरु थिए।
यो आक्रमणमा १५ जना घाइते भए। उनीहरुको उपचार भइरहेको छ। प्रहरीको जवाफी कारबाहीका क्रममा आक्रमणकारीसमेत मारिएका छन्।
प्रहरीले यो आक्रमणका अन्य व्यक्ति संलग्न छन् कि भनी खोजी भने जारी राखेको छ।
अमेरिकामा सन् २०१९ मा यस्तै आक्रमणमा परी ८ हजार मानिसले ज्यान गुमाएका छन्। यस्ता घटनाको रेकर्ड राख्ने अमेरिकी वेबसाइट ‘गन भ्याइलेन्स अर्काइभ’का अनुसार यो वर्ष अमेरिकामा मास सुटिङ (सामूहिक गोलाबारी) को यो २६औं घटना हो। २०१९ को गोलाबारी घटनामा परी ८ हजार ४ सय ३४ जना मारिएका छन्।
अमेरिकामा खुल्ला मैदानमा वा स्कुलमा गोलीमार्फत आक्रमण गर्ने क्रम लगातार बढ्दै गइरहेको छ।
यहाँका मानिसहरुले सहज रुपमा बन्दुक राख्न सक्छन्। जसका कारण यस्ता घटना हुने गरेका छन्। आम मानिससँग गोली हुनु मौलिक हकको रुपमा रहेकाले सहज रुपमा खरिद गर्ने हुदाँ यस्ता घटना रोकिएका छैनन्।
मानसिक रुपमा अस्वस्थ, अपराधको मुद्दा लागेका र अमेरिकी नागरिक नभएको व्यक्तिले बन्दुक राख्न नपाउने व्यवस्था संविधानमा गरिएको छ। त्यसबाहेक योग्य बालिग व्यक्तिले बन्दुक सुरक्षाका लागि राख्न पाउने व्यवस्था १७९१ मा गरिएको थियो।
अधिकारकर्मीहरुले यो नियमका कारण बर्सेनि गोलाबारी हुने गरेको टिप्पणी गर्दै आएका छन्। बिबिसीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
