काठमाडौं – ब्राजिलियन फुटबल स्टार नेमारमाथि लागेको बलात्कारको आरोपमा अनुसन्धान गरिरहेका प्रहरी अधिकारीले अनुसन्धान बन्द गरेका छन् । पर्याप्त प्रमाण अभाव भएको भन्दै उनीमाथिको आरोप अपुष्ट भएको हो ।
साओ पाउलोका प्रहरी अधिकृतले सबुत प्रमाणको कमिका कारण मुद्दाको अनुसन्धान बन्द गरिएको जनाएका छन् । यसमा अन्तिम निर्णय हुन भने बाँकी रहेको छ ।
ब्राजिलियन मोडल नाजिला ट्रिनडेडले गएको मे महिनामा नेमारले फ्रान्स पेरिसको एक होटलमा आफूमाथि बलात्कार गरेको आरोप लगाएकी थिइन् । जसमा नेमारले आफूले त्यस्तो काम नगरेको र फसाउन खोजेको बताउँदै आएका थिए ।
प्रहरीको पछिल्लो निर्णयबारे नेमारको धारणा बाहिरिएको छैन । पछिल्लो समय नेमारमाथिको बलात्कार आरोपले ब्राजिलसँगै पूरा विश्व फुटबल जगतमा खबरहरु फैलिरहेका थिए । ब्राजिलमा त हरेक दिन पत्रिकाको प्रमुख हेडलाइनमा नेमारका विषय समावेश थिए ।
प्रहरीले आफ्नो निर्णय मुद्दा दायर गर्ने पक्षलाई सुनाइसकेको छ । अब अन्तिम फैसला अघि १५ दिनको समय रहेको छ ।
फ्रेन्च क्बल पेरिस सेन्ट जर्मेनमा रहेका नेमार पछिल्लो समय स्पेनिस क्लब बार्सिलोनामा फर्कने प्रयास गरिरहेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_c6lM0N9Yaf-1778498841.jpg)
-1778498478.png)
-1764146706.png)
