तीज महोत्सवको तयारी पूरा, ५ उत्कृष्ट व्यवसायलाई अवार्ड दिइने

इन्टरटेनमेन्ट लाइभ

नेपाल लाइभ बिहीबार, साउन ९, २०७६ १२:५८

काठमाडौं– महिला सिर्जनशिल केन्द्रले हरेक वर्षझै यसपाली पनि तीज महोत्सवलाई भव्य रुपमा मनाउने तयारी गरेको छ। केन्द्रले हालै प्रेस मिटको आयोजना गर्दै ‘१८ औं तीज फेस्टिवल–सिर्जनशिल उद्यमी मेला २०७६’का तयारी पूरा भएको जानकारी दिएको छ।

आयोजकले यो मेलालाई नेपालको सबैभन्दा ठूलो उपभोक्ता तीज मेलाको रुपमा दाबी गर्दै आएको छ। यसपालीदेखि यो मेला काठमाडौंसहित इटहरी र हेटौँडासमेत आयोजना गरिने भएको छ। १८ औं संस्करण नेपालका विभिन्न ३ शहरहरुमा आयोजना हुनेछ ।
काठमाडौंमा यहि साउन १६ गतेदेखि २० गतेसम्म भृकुटीमन्डपमा आयोजना हुनेछ भने ईटहरीमा साउन ३० देखि ३२ गतेसम्म संचालन हुनेछ। त्यस्तै, हेटौंडामा भने भाद्र ५ गतेदेखि ७ गतेसम्म आयोजना हुने बताइएको छ।

यो फेस्टिवलमा यो वर्ष काठमाडौंमा २०० भन्दा बढि कम्पनी, संघ, संस्थाहरुको सहभागीता हुने र एक लाख बढी अवलोकनकर्ताको अपेक्षा राखिएको आयोजक सिर्जनशिल केन्द्रकी अध्यक्ष मिलु थापाले जानकारी दिइन्। ‘यो केवल मेलामात्रै होइन, महिलाहरुलाई व्यवसायीक बनाउने र अवसर नपाएका महिला उद्यमीहरुलाई प्रबद्र्धन गर्ने माध्यम पनि हो,’ उनले भनिन्।

प्रदर्शनीलाई आकर्षक र मनोरन्जक बनाउनका लागि फ्रि फोटो सुट, लक्कि ड्र, डोर प्राइज, निशुल्क स्वास्थ्य जाँच तथा परामर्श, निशुल्क मेहन्दी लगाउने कार्यक्रम, निशुल्क कपाल कटिंग कार्यशाला, बालबालिकाहरुका लागि गेमिंग जोन, लाइभ म्यूजिक एण्ड कल्चरल प्रस्तुति लगायतका कार्यक्रम राखिएको छ ।

‘यहि इभेन्टमार्फत हामीले कयौं महिलाहरु आफैं उद्यमी बनेको देखेका छौं, त्यसैले यो केबल तीज फेस्टिवल मात्र नभई समग्र नेपाली महिलाहरुको लागि व्यवसाय प्रबद्र्धन गर्ने प्लेटफर्म पनि हो, ’ कार्यक्रम व्यवस्थापनको जिम्मा लिएको इभेन्ट संसारका प्रबन्ध निर्देशक पशुपति केसीले भने । महिला सिर्जना र उद्यमशिलतालाई प्रोत्साहन गर्ने उदेश्यले ५ उत्कृष्ट व्यवसायलाई महोत्सवको समापनका दिन अवार्ड समेत प्रदान गरिने बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत-पाकिस्तान सीमा क्षेत्रमा पुनः गोलाबारी सुरु

नेपालमा लगानी गर्न व्यवसायीलाई अध्यक्ष ढकालको आग्रह

सगरमाथा संवादको अन्तिम तयारीमा छौँ : परराष्ट्रमन्त्री