टिकटकले पहिलो अन्तर्राष्ट्रिय डाटा सेन्टर भारतमा स्थापना गर्ने

सूचना-प्रविधि

नेपाल लाइभ आइतबार, साउन ५, २०७६ १५:१५

एजेन्सी- टिकटकको प्यारेन्ट कम्पनी 'बाइट डान्स'ले आफ्नो पहिलो अन्तर्राष्ट्रिय डाटा सेन्टर भारतमा स्थापना गर्ने भएको छ।

चिनियाँ कम्पनीले पहिलोपटक चीन बाहिर गएर भारतमा डाटा सेन्टर स्थापना गर्न लागेको हो।

कम्पनीले भारत आफ्नो सबैभन्दा बलियो बजार रहेको र अहिलेसम्म भारतीय उपयोगकर्ताको डाटा सिंगापुर र अमेरिकामा रहेका अन्य कम्पनीमा स्टोर गर्नु परिरहेको भन्दै अब भारत प्रवेश गर्न लागेको जनाएको छ। कम्पनीले ६ देखि १८ महिनामा डाटा सेन्टर स्थापना गरिसक्ने तयारी गरेको बिजेनस स्ट्यान्डर्डले प्रकाशन गरेको समाचारमा उल्लेख छ।

बाइट डान्सले भारतीय बजारका लागि खर्च गर्न लागेको १ अर्ब डलरअन्तर्गत नै यस योजनासमेत रहेको पनि समाचारमा जनाइएको छ।

भारत सरकारले डाटा लोकलाइसेजनका लागि काम गरिरहेको र भारतमा रहेका टिकटक प्रयोगकर्ताले विभिन्न समस्या भोगिरहेको भन्दै कम्पनीले भारतमा डाटा सेन्टर स्थापनाको काम अघि बढाएको हो। गत साता भारत सरकारले टिकटकमा अपलोड गरिएका केही भिडिओलाई लिएर कम्पनीमाथि प्रश्नसमेत उठाएको थियो।

भारतमा २० करोड टिकटक प्रयोगकर्ता रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए कार्यसम्पादन प्रतिवेदन, ९८.९९ प्रतिशत अंक दाबी

सहकारी ठगी प्रकरण: धरौटी बुझाएर छुटिन् लीला पछाईं

स्थलमार्ग हुँदै काठमाडौं आउँदै रवि लामिछाने