तुलसीपुर- माओवादी केन्द्रका नेता तथा दाङ क्षेत्र नम्बर २ बाट प्रतिनिधिसभा सदस्यमा निर्वाचित कृष्णबहादुर महराले जनताका आधारभूत आवश्यकता पूर्ति हुन नसकेको ठाउँको विकास गर्नु आफ्नो पहिलो लक्ष्य रहेको बताएका छन्।
मतदातालाई धन्यवाद दिन शनिबार दाङको क्षेत्र नम्बर २ मा पर्ने बंगलाचुलीको गाउँघर डुलेका महराले आफ्नो क्षेत्रमा रहेका २७ वटा वडाको विकासका लागि गुरुयोजना बनाएर अघि बढ्नेसमेत जानकारी दिए।
महराले जनता र राष्ट्रको सेवा गर्नु नै आफ्नो प्रमुख दायित्व भएको भन्दै समाज परिवर्तन गर्न सबैभन्दा पहिले ग्रामीण भेगका जनताको जीवनस्तर माथि आउनुपर्ने र त्यसका लागि निरन्तर जनताको सम्पर्कमा रहेर जनताको काम गर्ने प्रतिबद्धता व्यक्त गरे।
फरक प्रसंगमा बोल्दै उनले केही संवैधानिक जटिलताका कारण वामपन्थीको सरकार बन्न ढिलाइ भएको भन्दै राष्ट्रियसभाको निर्वाचनलगत्तै नयाँ सरकार गठन हुने बताए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
