मुम्बई– इन्डियन प्रिमियर लिग (आइपिएल) टी–२० क्रिकेट प्रतियोगिताको एघारौं संस्करणका सहभागि हुन एसोसिएट देशका तीन खेलाडीले नाम दर्ता गराएका छन्।
आगामी अप्रिलको पहिलो सातादेखि सुरु हुने आइपिएलका लागि एसोसिटएका ३ खेलाडीसहित ११ सय २२ खेलाडीले नाम दर्ता गराएको भारतीय क्रिकेट कन्ट्रोल बोर्डले जनाएको छ।
एसोसिटए देश मध्ये अमेरिकाबाट २ र स्कटल्यान्डबाट १ खेलाडीले नाम दर्ता गराएका हुन्। तर आइपिएलले तीन जनाको नाम भने सार्वजनिक गरेको छैन।
नाम दर्ता गराएका ११ सय २२ खेलाडीलाई आगामी २७–२८ मा हुने अक्सनमार्फत फेन्चाइजले आफ्नो टिममा किन्नेछन्। अक्सनमा सहभागी हुनका लागि २ सय ८१ क्याप्ड खेलाडी र ८ सय ३८ अनक्याप्ड खेलाडीले नाम दर्ता गराएका हुन्।
जहाँ भारतका गौतम गाम्भिरदेखि युवराज सिंह,अफ स्पिनयर रविचन्द्रन आस्विन र हरवजन सिंह, अजिन्का राहणे, कुलदिप यादव, ओपनरहरु लोकेश राहुल र मुरली विजय छन्।
इंग्ल्यान्डका टेस्ट कप्तान जोए रुट, वेन स्टोक्स, इयान मोर्गान पनि सहभागी छन्। यस्तै वेस्ट इन्डिजका क्रिस गेल, ड्वायन ब्राभो, कार्लोस बाथवेट, इभिन लेविन र जासन होल्डरले पनि नाम दर्ता गराएका छन्।
श्रीलंकाबाट लासिथ मालिङ्गा, एन्जेलो म्याथ्युज, निरोशन डिकवेला र थिसारा परेरा लगायतले नाम दर्ता गरृका छन्।
अस्ट्रेलियाबाट ग्लेन म्याक्सवेल, सेन वाट्सन र मिचेल जोनसन पनि आइपिएको अक्सनमा सहभागी हुनेछन्। दक्षिण अफ्रिकाका हसिम अमला, फाप डु फ्लेसिस, क्वान्टन डे कक, डेभिड मिल्नर, मोर्ने मोर्केल र कागिसो राबाडाले पनि नाम दर्ता गराएका छन्। न्युजिल्यान्डको तर्फबाट केल विलियमसन, कोलिन मुनरो र टम लाथम पनि आइपिएलको अक्सनम छन्।
कुन देशका कति खेलाडी ?
पहिलो चरणमा छनोट गरिएका खेलाडीहरु
मुम्बइ इन्डियन्स
रोहित शर्मा– १५ करोड भारु, हार्दिक पान्ड्या–११ भारु, जसप्रित बुमराह – ७ करोड भारु
रोयल च्यालेन्जर्स बेंग्लोर
विराट कोहली–१७ करोड भारु, एबी डिभिलियर्उस–११ करोड भारु र शर्फराज खान १ करोड ७५ लाख भारु
कोलकता नाइटराइडर्स
सुनिल नारायण– ८ करोड ५० लाख भारु, आन्द्रे रसेल ७ करोड भारु
दिल्ली डेयरडेभिल्स
रिशव पन्त – ८ करोड भारु, क्रिस मोरिस– ७ करोड १० लाख भारु, श्रेयास इयर ७ करोड भारु
किंग्स इलाभेन पञ्जाव
अक्षर पटेल– ६ करोड ७५ लाख भारु
सनराइजर्स हैदरावाद
डेभिव वार्नर– १२ करोड भारु, भुवनेश्वर कुमार – ८ करोड ५० लाख भारु
चेन्नइ सुपरकिंग्स
महेन्द्रसिंह धोनी–१५ करोड भारु, सुरेश रैना ११ करोड भारु र रविन्द्र जडेजा ७ करोड भारु
राजस्थान रोयल्स
स्टेभिन स्मिथ– १२ करोड भारु
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
