वासिङ्टन- अमेरिकी प्रशासन केन्द्र 'ह्वाइट हाउस'ले सोमबारदेखि मेक्सिकोसँगको दक्षिणी सिमाना पार गरी अमेरिका प्रवेश गर्ने आप्रवासीलाई दिइँदै आएको शरणार्थीसम्बन्धी प्रावधानमाथि रोक लगाउने घोषणा गरेको छ।
कागजातविना नै अमेरिका प्रवेश गरी शरणार्थीको मान्यताका लागि पर्ने निवेदनलाई नियन्त्रण गर्ने प्रयासस्वरूप अमेरिकी ट्रम्प प्रशासनले उक्त कदम चालेको हो।
'संयुक्त राज्य अमेरिका एक उदार मुलुक हो तर दक्षिणको बाटो अमेरिका प्रवेश गर्ने सयौँ हजार आप्रवासीका कारण अनावश्यक दुःख तथा झन्झटको सामना गर्नु परेको महशुस भएको छ,' अमेरिकी महान्यायाधिवक्ता बिल बारद्वारा जारी वक्तव्यमा भनिएको छ।
उनले भने, 'दक्षिण हुँदै अवैधरूपमा प्रवेश गर्ने आप्रवासी रोकबारे यो नियमले अमेरिकाको शरणार्थी व्यवस्थापन कानुनलाई प्रभावित पारी आर्थिक उपार्जनका लागि अमेरिका प्रवेश गर्ने गलत परिपाटीलाई नियन्त्रण गर्नेछ।' रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
