वर्षापछिको बाढीले सप्तरी जलमग्न [फोटो फिचर]

फिचर

नेपाल लाइभ आइतबार, असार २९, २०७६ १७:२५

राजविराज- एक सातादेखिको अविरल वर्षा र बाढीका कारण सप्तरीका अधिकांश स्थान जलमग्न भएका छन्।

बाढीले सप्तरीका मात्र २ हजार घर डुबानमा परेका छन् भने करिब ६ सय परिवार अस्थाई आश्रय लिएर बसेको सप्तरीका सिडिओ सुरेन्द्र पौडेलले जानकारी दिएका छन्।

सप्तकोशी, त्रियुगा, खाँडो, महुली, बलान, बिहुल, अमाहा सुन्दरीलगायतका खोलामा आएको वाढिले सप्तकोशी, कञ्चनरूप, हनुमाननगर कंकालिनी, राजविराज नगरपालिकाका साथै अग्निसाईर कृष्णासवरण, महेदवा, तिरहुत, रुपनी गाउँपालिकाका दर्जनौं गाउँबस्ती डुबानमा परेका छन्।

सप्तरीमा सबैभन्दा बढी सप्तकोशी नगरपालिका, हनुमाननगर कंकालिनी नगरपालिका, तिलाठी कोईलाडि गाउँपालि, वोदेवरसाईन नगरपालिका, डाकनेन्वरी नगरपालिका र बलान-बिहुल गाउँपालिकामा क्षती गरेको सिडिओ पौडेलले बताए।

त्रियुगा नदिको बाँध सप्तकोशी नगरपालिकाका वडा नं. १, २ र ३ मा फुटेर वाढि गाउँ पसेको छ। त्रियुगाको वाढिले वडा नं. १ का २५०, २ का ४२, ३ का २५०, ६ का ४ सय, ७ का २ सय घर प्रभावित भएका छन्। जसमध्ये वडा नं. २ का ४२ घर विस्थापित भएका छन् भने वडा नं. ३, ६ र ७ का करिव १ हजार घर वाढिले घेरिएको मेयर उत्तमकुमार गौतमले जानकारी दिएका छन्।

यसैगरी, सप्तकोशी नदीको बाढीका कारण हनुमाननगर कंकालिनी नगरपालिकाको १२ र १३ नं. वडा प्रभावित भएका छन्। गोबरगाढासहित त्यस क्षेत्रका करिव २५० परिवार कोशीको वाँधमा त्रिपाल टाँगेर बसेको जिल्ला प्रशासन कार्यालय सप्तरीले जनाएको छ। त्यस क्षेत्रका सर्वसाधारणलाई जिल्ला प्रशासन कार्यालयले १ हजार त्रिपाल उपलब्ध गराएर वसोवासको ब्यवस्था मिलाएको छ।

खाँडो खोलाको बाढीका कारण तिलाठी गाउँ डुबानमा परेको छ। तिलाठीमा १५० भन्दा बढी घर डुबानमा परेका छन्। उक्त क्षेत्रमा ५ सय त्रिपाल बाँडिएको छ।

बिहुल खोलामा आएको बाढीले बलान बिहुल गाउँपालिकाका ३० घरमा क्षती गरेको वडा अध्यक्ष अनोजकुमार यादवले जानकारी दिए। उद्दार र राहतको काम अहिले पनि जारी रहेको सिडिओ पौडेलको भनाई छ।

नदिको वहाव घट्यो
शनिबार साँझदेखि वर्षा रोकिएपछि नदिको बहाव घटेको छ।

सप्तकोशी नदिमा शनिबार राति पौने ४ लाख क्युसेकभन्दा बढी पुगेको पानीको वहाव आइतबार बिहान ८ बजे ३ लाखभन्दा तल झरेको थियो। शनिबार मध्यरातमा लिइएको आँकडामा कोशीमा पानीको वहाव ३ लाख ७९ हजार क्युसेक थियो। तर, आइतबार बिहानको आँकडामा पानीको बहाव २ लाख ६४ हजार क्युसेक थियो। यसैगरी, आईतवार साँझ ४ वजेसम्ममा वाढिको वहाव २ लाख ३९ हजार क्युसेक पुगेको र ब्यारेजका ५६ वटा ढोका मध्ये २७ वटा ढोका खुलेको कोशी ब्यारेज नियन्त्रण कक्षले जनाएको छ।

यसैगरी त्रियुगा, खाँडो, महुली, वलान, विहुल, अमाहा सुन्दरीलगायतका खोलामा पनि पानीको बहाव घटेको जिल्ला प्रहरी कार्यालय सप्तरीले जनाएको छ।

क्षतिको विवरण आउन अझै बाँकी
बाढीका कारण सर्वसाधारणको विचल्ली भएका कारण प्रहरी प्रशासन उद्धार र राहतमा खटिएको छ। स्थानीय तहका पदाधिकारी पनि आआफनो ठाउँमा सर्वसाधारणको धनजन जोगाउन खटिनु परेका कारण क्षतीको पुर्ण विवरण संकलन हुन सकेको छैन।

एक दुई दिनमा स्थानीय तहबाट क्षतिको विवरण आएपछि जिल्ला विपद व्यवस्थापन समितिको बैठक बसेर अन्य थप निर्णय लिईने सिडिओ पौडेलले बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

गाजामा पुनः इजरायली आक्रमण, प्रहरी सहित २९ जनाको मृत्यु

लुम्बिनी प्रदेशमा एक महिनामा मात्रै ४०२ दुर्घटना, ३६ जनाको मृत्यु

भूकम्पीय जोखिमबाट बच्न चेतना फैलाउनुपर्नेमा जोड