काठमाडौं- प्रधानमन्त्री केपी शर्मा ओलीले सबै मन्त्रालयका सचिवहरुलाई बोलाएर प्रगति विवरण लिएका छन्।
प्रधानमन्त्री कार्यालय सिंहदरबारमा भइरहेको कार्यक्रममा सचिवहरुले आफ्नो मन्त्रालय अन्तर्गतका कार्यविवरण प्रधानमन्त्रीलाई सुनाइरहेका छन्। मन्त्रालयहरुले प्रस्तुत गरेका प्रतिबद्धता पूरा भए/नभएको बारे प्रधानमन्त्री ओलीले जानकारी लिइरहेका छन्।
आर्थिक वर्ष ०७५/७६को नीति तथा कार्यक्रम र बजेट कार्यान्वयनको समीक्षा गर्ने गरी छलफल डाकिएको हो।
२३ सचिवहरुबाट मन्त्रालयहरुको कार्ययोजनासहित प्रगति समीक्षा सुनिसकेपछि प्रधानमन्त्रीले निर्देशन दिने बताइएको छ।
अन्तरमन्त्रालय समन्वयको अभावमा विषादी प्रकरणमा सरकार यतिबेला आलोचित बनेको छ। यही विषयलाई लिएर प्रधानमन्त्री ओलीले सचिवलाई निर्णय प्रक्रियामा सतर्क गराउन बोलाएको हुन सक्ने बुझिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
