नयाँ दिल्ली (एजेन्सी)- एक्सनले भरपूर फिल्मको सिक्वल 'रेस ३' को सुटिङ डिसेम्बरदेखि जारी छ। यसैबीच फिल्ममा अनिल कपुरको लुक सार्वजनिक भएको छ। सार्वजनिक भएको लुकमा अनिल कपुर कैदीको रुपमा देखिएका छन्। यो लुकमा उनका तीन वटा फोटो सामाजिक सञ्जालमा सेयर भइरहेका छन्।
फिल्ममा सलमान खान पनि अभिनय गर्दै छन्। 'टाइगर जिन्दा हे' पछि उनी यो फिल्मबाट जादु देखाउने सुरमा छन्। सलमान र अनिल कपुरले एकसाथ कैयौं फिल्ममा काम गरेका छन्।
रेस फ्रेन्चाइजीका अघिल्ला दुई शृंखलामा अनिल कपुरलाई एक कोमल हृदयका प्रहरीको भूमिकामा प्रस्तुत गरिएको थियो, जसलाई फिल्मको कथा अनुसार अपराध नियन्त्रणमा खटाइएको थियो। उनलाई एक पटक फेरि सुपरस्टार सलमानसँग स्क्रिन सेयर गरेको हेर्नु रोचक पर्खाइको विषय मानिएको छ।
फिल्ममा सलमान, अनिल कपुर, ज्याकलिन फर्नान्डेजका साथै बबी देओल, साकिब सलीम र डेजी शाहको मुख्य भूमिका छ। चर्चित कोरियोग्राफर रेमो डेसुजाले निर्देशन गरिरहेको यो फिल्म २०१८ को इदमा रिलिज गर्ने तयारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
