काठमाडौं– मलेसियामा जारी एसिसी यू–१९ इस्टर्न रिजन क्रिकेट प्रतियोगितामा नेपाल फाइलनमा प्रवेश गरेको छ। आयोजक मलेसियालाई सेमिफाइनलमा ७ विकेटले पराजित गर्दै नेपाल उपाधि नजिक पुगेको हो।
क्वालालम्पुरस्थित किनरारा ओभल मैदानमा टस जितेर नेपालले फिल्डिङ रोजेपछि पहिले ब्याटिङ गरेको मलेसिया ४०.५ ओभरमा ८७ रनमा अलआउट भयो।
मलेसियाका लागि मोहम्मद आमिरले सबैभन्दा बढी २४ रन जोडे। उनले ३२ बलमा ३ चौका प्रहार गरे।
बलिङमा नेपालका सागर ढकालले ३ विकेट लिए। सागरले १० ओभरमा ३ मेडन राख्दा १६ रन खर्चिए। कुशल मल्लले २ विकेट हात पारे। कमलसिंह ऐरी, रासिद खान र तिलकराज भण्डारीले १/१ विकेट लिए।
नेपालले मलेसियाको उक्त लक्ष्य १५.५ ओभरमा पूरा गरेको हो। नेपालले ३ विकेट गुमाएर लक्ष भेट्टाएको हो। नेपालका लागि अविजित रहँदै भिम सार्कीले ३३ र रोहित पौडेलले ३१ रनको योगदान गरे। पवन सर्राफले १८ रन जोडे।
नेपालले उपधिका लागि मंगलबार हङकङ वा सिंगापुरमध्ये एक टिमसँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
