काठमाडौं- इंग्ल्यान्डमा जारी १२औं विश्वकप क्रिकेटमा सेमिफाइनलका खेलहरुको टुङ्गो लागेको छ। शनिबार समूह चरणअन्तर्गत भारतले श्रीलंकालाई र दक्षिण अफ्रिकाले अष्ट्रेलियालाई पराजित गरेसँगै सेमिफाइनलका खेलहरुको टुंगो लागेको हो।
अंकतालिकाको पहिलो स्थानमा रहेको विराट कोहलीको कप्तानीमा रहेको भारतले न्युजिल्यान्डको सामना गर्ने भएको छ। भारत र न्युजिल्यान्डबीचको पहिलो सेमिफाइनल खेल मंगलबार वर्ल्ड ट्राफोर्डमा हुनेछ।
दोस्रो सेमिफाइनलमा डिफेन्डिङ च्याम्पियन अष्ट्रेलियाले आयोजक राष्ट्र इंग्ल्याडको सामना गर्नेछ। खेल एजवस्टनमा आगामी बिहीबार हुनेछ।
शनिबार भएको समूह चरणको अन्तिम खेलमा अष्ट्रेलियामाथि दक्षिण अफ्रिकाले १० रनको जित निकालेपछि भारत शीर्षस्थानमा रहन सफल भएको हो। भारत समूह चरणको आफ्नो अन्तिम खेलमा श्रीलंकामाथि ७ विकेटको सहज जित निकाल्दै अंकतालिकाको शीर्ष स्थानमा उक्लिएको हो। इंग्ल्यान्ड र न्युजिल्यान्ड क्रमशः तेस्रो र चौथो स्थानमा रहे।
श्रीलंकाले पहिले टस जितेर पहिले ब्याटिङ गर्दै निर्धारित ५० ओभरमा ७ विकेटको क्षतिमा २ सय जोडेको थियो। उसका लागि एन्जेलो म्याथ्युजले १ य १३ तथा लाहिरु थिर्मानेले ५३ रनको योगदान दिए। भारतका जसप्रित बुम्राहले ३ विकेट लिए।
.jpg)
जवाफी विकेटमा उत्रिएको भारतका लागि दुवै प्रारम्भिक ब्याट्सम्यानले शतक प्रहार गरे। आसन्न विश्वकपमा पाँचौं शतक प्रहार गर्दै रोहित शर्माले १ सय ३ रन जोडे। उनी विश्वकप इतिहासमै एकै संस्करणमा सबैभन्दा बढी शतक प्रहार गर्ने खेलाडीसमेत बनेका छन्। उनी प्रतियोगिताको सबैभन्दा बढी रन बनाउने खेलाडी समेत हुन्। उनले हालसम्म ८ खेलमा ६ सय ४७ रन बनाएका छन्।
केएल राहुलले ११ चौका र १ छक्काको मद्दतमा १ सय ११ रनको योगदान दिए। कप्तान कोहलीले अविजित ३४ रन जोडे।
शनिबार नै भएको दोस्रो खेलमा पहिले ब्याटिङ गर्दै दक्षिण अफ्रिकाले ६ विकेटको क्षतिमा ३ सय २५ रन बनाएको थियो।
कप्तान फाप डु प्लेसिसले १ सय प्रहार गर्दा र रासी भान डेर डुसेन शतक प्रहार गर्नबाट ५ रनले चुके। क्वान्टन डी ककले ५२ रनको पारी खेले।
अष्ट्रेलियाका मिचेल स्टार्क र नाथन लियोनले समान २/२ विकेट हात पारे। जारी विश्वकपमा स्टार्क २६ विकेटसहित सबैभन्दा बढी विकेट लिने बलरको शीर्ष स्थानमा छन्।
अष्ट्रेलियाका डेभिड वार्नरले १ सय २२ र एलेक्स क्यारीले ८५ रन जोडे पनि टोलीको हार टार्न सकेनन्। दक्षिण अफ्रिकाका कागिसो रवाडाले ३ विकेट हात पारे। करियरकै अन्तिम एकदिवशीय खेल खेलिरहेका इमरान ताहिर र जेपी डुमिनीले सम्झनलायक प्रदर्शन गर्न सकेनन्।
भारत र न्युजिल्यान्डमा कसको पल्ला भारी
सेमिफाइलनमा पुग्ने सबै टिमले विश्वकप जितेर रेकर्ड बनाउन चाहेका छन्। भारतसँग सेमिफाइनलमा प्रतिस्पर्धा गर्ने न्युजिल्यान्डले यो विश्वकपमा ५ खेलमा जित हात पार्दै ११ अंक जुटाएको छ।
भारत र न्युजिल्यान्डबीच समूह चरणमा खेल तय भए पनि वर्षाका कारण रद्द हुन पुग्यो। सोपश्चात् दुबै टिमले अंक बाँडेका थिए। विश्वकपअघिको अभ्यास खेलमा भने न्युजिल्यान्डले भारतलाई हराएको थियो।
भारतविरुद्धको खेलमा न्युजिल्यान्ड जितको खोजीमा रहेको छ। विराट कोहलीको नेतृत्वमा रहेको भारत पनि न्युजिल्यान्डलाई हराउँदै फाइनलसम्मको यात्रा निश्चित गर्ने सोचमा छ। समूह चरणको खेलका आधारमा हेर्दा भारत हावी हुने देखिन्छ। भारतले आयोजक इंग्ल्याडबाहेक अन्य सबै देशसँग जित हात पारेको छ।
८ म्याचमा ६ सय ४७ रन बनाएका भारतीय प्रारम्भिक ब्याट्सम्यान रोहित शर्मा यो विश्वकपमा सबैभन्दा बढी रन बनाउने ब्याट्सम्यानको अग्रसूचीमा छन्। उनले ५ शतक बनाइसकेका छन्। बलिङतर्फ पनि भारतका जसप्रित बुम्राह जारी विश्वकपमा सफल ४ बलरमध्ये पर्दछन्। उनले ८ खेलमा १७ विकेट लिएका छन्।
.jpg)
न्युजिल्यान्डका लोकी फर्गुसन पनि सफल बलर हुन्। उनले पनि बुम्राहसँग समान १७ विकेट नै लिएका छन्। तर, अंकतालिकाको तेस्रो स्थानमा छन्। ब्याटिङतर्फ भने आसन्न विश्वकपमा न्युजिल्याडका प्रमुख हतियार कप्तान केन विलियम्सन र रोस टेलर हुन्। कप्तान विलियम्सनले ८ खेलमा ४ सय ८१ रन बनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768635488.png)
-1768632127.png)
-1764146706.png)
-1768395492.png)
