काठमाडौं- भारत विश्वकप क्रिकेटको सेमिफाइनलमा पुगेको छ। इंग्ल्यान्डको बर्मिंघममा भएको खेलमा एसियाली प्रतिद्वन्द्वी बंगलादेशलाई २८ रनले पराजित गर्दै भारत विश्वकपको अन्तिम ४ मा पुगेको हो।
टस जितेर पहिले ब्याटिङ गरेको भारतले ९ विकेटको क्षतिमा ३ सय १४ रनको योगफल तयार गर्यो। उसका लागि रोहित शर्मा नायक बने। उनले आसन्न प्रतियोगितामा चौथो शतक प्रहार गरे। ९२ बलको सामना गरेका उनले १ सय ४ रनको पारी खेले। रोहितको पारीमा ७ चौका र ५ छक्का सामेल थियो।
.jpg)
योसँगै उनी एकै विश्वकपमा ४ शतक लगाउने पहिलो भारतीय ब्याट्सम्यान बनेका छन्। यसअघि भारतका सौरभ गांगुलीले तीन शतक बनाएका थिए।
यसका साथै रोहित यस विश्वकपमा सवैभन्दा धेरै रन बनाउने ब्याट्सम्यानको पहिलो नम्बरमा उक्लिएका छन्। उनले अष्ट्रेलियाका डेबिड वार्नरलाई पछि छाडेर ५ सय ४४ रन बनाए। वार्नरको नाममा ५ सय १६ रन छ।
यसअघि सन् २०१५ मा श्रीलंकाका कुमार सागकाराले ४ शतक बनाएका थिए। विश्वकपमा बढी शतक बनाउनेमा सचिन तेन्दुलकर माथि छन्। उनको नाममा ६ शतक छ।
रोहितबाहेक खेलमा प्रारम्भिक ब्याट्सम्यान केएल राहुलले ७७, रिसभ पन्तले ४८ र महेन्द्रसिंह धोनीले ३५ रनको योगदान दिए। केएल राहुल र रोहितले पहिलो विकेटका लागि १ सय ८० रनको साझेदारी गरेका थिए। ठूलो लक्षतर्फ अगाडि बढेको भारतले अन्तिम समयमा लगातार विकेट गुमाएको थियो। पछिल्लो १६ रन जोड्दा भारतले ४ विकेट गुमाएको थियो।
बंगलादेशका मुस्तफिजुर रहमानले सर्वाधिक ५ विकेट हात पारे। शकिव अल हसन, रुवेल हुस्सैन र सौम्य सरकारले सामान १/१ विकेट लिए।
३ सय १५ रनको लक्ष पछ्याएको बंगलादेश ४८ ओभरमा २ सय ८६ रनमा समेटिएको थियो। शकिवले ६६, मोहम्मद सैफुद्दिनले ५१ तथा सब्बिर रहमानले ३६ रन जोडे पनि त्यो पर्याप्त बनेन।
भारतका जसप्रित बुमराहले ४ तथा हार्दिक पान्ड्याले ३ विकेट लिए।
जितसँगै भारत सेमिफाइनल पुग्ने दोस्रो टोली बनेको छ। भारतीय टोलीले छैटौं पटक विश्वकपको सेमिफाइनलमा स्थान सुरक्षित गरेको हो। सन् २०११ को विश्पकप उपाधि जितेपछि भारत २०१५ र आसन्न विश्वकपमा पनि लगातार सेमिफाइनलमा पुगेको हो।
जारी प्रतियोगितामा यसअघि अष्ट्रेलिया अन्तिम ४ मा पुगिसकेको छ। हारसँगै बंगलादेश प्रतियोगिताबाट बाहिरिएको छ।
अब न्युजिल्यान्ड, इंग्ल्यान्ड र पाकिस्तानमध्ये २ टोली सेमिफाइनल पुग्नेछन्। श्रीलंका, वेस्टइन्डिज, दक्षिण अफ्रिका र अफगानिस्तान प्रतियोगिताबाट बाहिरिइसकेका छन्।
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
