काठमाडौं– बुधबार बेलुका दरबारबार्गको डेजा भू क्लबमा भएको तोडफोड घटनामा कमजोर भूमिका निभाएको भन्दै महानगरीय प्रहरी परिसर काठमाडौंले दरबारमार्ग वृत्तका डिएसपी तिलक भारतीसँग स्पष्टिकरण सोेधेको छ । विभागीय कारबाहीको प्रारम्भिक प्रक्रियास्वरुप उनलाई स्पष्टिकरण सोधिएको परिसरले जनाएको छ ।
आफ्नो क्षेत्रमा सुरक्षा व्यवस्था राम्रो बनाउन नसकेकाले भारतीसँग स्पष्टिकरण सोधिएको काठमाडौं परिसर प्रमुख एसएसपी रबिन्द्र धानुकले बताए । बुधबार बेलुका अमेरिकन डिजे मार्समेलो ल्याउने भन्दै करिब ६ हजार टिकट बिक्रि गरिएको थियो । मार्समेलो डिस्कोमा नआएपछि महंगो टिकट काटेर पुगेका सर्वसाधरणले तोडफोड गरेका हुन् । कार्यालयकै छेउमा त्यसरी तोडफोड र कुटपिट हुँदा पनि दरबारमार्ग प्रहरीले निरिह बनेको थियो । डिजे मार्समेलो बिरामी भएकाले कार्यक्रममा जान नसकेको बताइएको छ ।
प्रहरीले सो प्रकरणमा क्रिकेटर पृथु बाँस्कोटासहित क्लबका संचालकहरु जयन श्रेष्ठ, मयंक खड्का, बिशाल डाँगी, मिलन श्रेष्ठलाई पक्राउ गरेको छ । क्लबका मुख्य संचालक राम गिरी फरार छन् । त्यस्तै कार्यक्रम आयोजक रितेश मारवाडी र राजेश महर्जन क्लबका कर्मचारी आकाश न्यौपानेलाई पनि प्रहरीले पक्राउ गरेको छ । उनीहरुलाई ठगी मुद्दा चलाइने अपराध महाशाखाका एसएसपी दिवेश लोहनीले बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1768395492.png)
