रुपन्देही- रुपन्देहीको मायादेवी गाउँपालिका ६ मा गएराति भएको सवारी दुर्घटनामा एक जनाको मृत्यु भएको छ।
लुम्बिनी-भैरहवा सडकखण्डमा राति १ बजे भएको दुर्घटनामा अन्दाजी ५५ वर्षीय पुरुषको घटनास्थलमै मृत्यु भएको हो। मृतकको सनाखत हुन सकेको छैन। दुर्घटनामा संलग्न सवारी साधन घटनास्थलबाट फरार भएकाले खोजी भइरहेको इलाका प्रहरी कार्यालय बेथरीले जनाएको छ।
यस्तै, मोरङको सुन्दर हरैचा-९ झर्ना पुल नजिकै शनिबार बेलुकी साढे ७ बजे मोटरसाइकलले स्कुटरलाई ठक्कर दिँदा दुई जना घाइते भएका छन्।
को २३ प ५०७२ नम्बरको मोटरसाइकलले को ३० प ७०० नम्बरको स्कुटरलाई ठक्कर दिएको थियो। दुर्घटनामा स्कुटरको पछाडि सवार स्थानीय २२ वर्षीया मीना न्यौपाने र मोटरसाइकल चालक हरैचा नगरपालिका ८ का ३३ वर्षीय बेचन चौधरी घाइते भएका हुन्। न्यौपानेको विराट नर्सिङ होम र चौधरीको सुकुना सामुदायिक अस्पतालमा उपचार भइरहेको ट्राफिक प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
