भक्तपुर- अहिलेको कुरा बेग्लै हो, दमननाथ ढुंगाना कांग्रेसका पुराना नेता हुन्।
उनले २०४८ सालमा काठमाडौं २ बाट निर्वाचन जितेका थिए। निर्वाचनपछि बनेको संसदमा उनी सभामुखसमेत भए। त्यसपछि २०५१ को आम निर्वाचन उनी एमाले नेतृ विद्यादेवी भण्डारीसँग पराजित हुन पुगे। त्यसपछि उनी सक्रिय राजनीतिबाट टाढा हुँदै गए। त्यसपछि नागरिक समाजको अभियन्ताका रुपमा सक्रिय बने।
त्यो बेग्लै कुरा यस कारण पनि हो।
करिब २३ वर्षपछि सक्रिय राजनीतिमा उदाए ढुंगाना। भक्तपुर क्षेत्र नम्बर २ बाट उनलाई कांग्रेसले प्रतिनिधिसभा सदस्यको उम्मेदवार बनाउने निर्णय गर्यो। उनका प्रतिस्पर्धी भए, एमालेका नेता महेश बस्नेत।
चुनावको प्रारम्भिक नतिजा आउन थालेका छन्। वाम गठबन्धनका उम्मेदवारहरुले एकपछि अर्को नतिजा निकाल्न थालेका छन्। कांग्रेसका ठूला नेता र गढहरु भत्किने क्रम जारी छ। भक्तपुर २ बाट उम्मेदवारी दिएका ढुंगानाको अवस्था पनि ‘बुरा’नै छ। महेश बस्नेतले १७ हजार मत कटाउँदा, उनी ९ हजार मतको वरिपरि घुमिरहेका छन्।
प्रारम्भिक मतपरिणामबाट ढुंगाना चकित छन्, कांग्रेसबाट उम्मेदवारी दिएर चुनाव लडेर गल्ती गरेको महसुस गर्न थालेका छन्।
उनी यसरी तिलमिलाए कि शनिबार दिउँसो ट्विट नै गर्नुपर्यो। जहाँ उनले लेखेका छन्- 'भूतले खाजा खाने बेला उठिएजस्तो छ!'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
