स्टर्लिङको शतकका वाबजुद आयरल्यान्डमाथि बंगलादेशको जित

नेपाल लाइभ | २०७६ जेठ २ बिहीबार | Thursday, May 16, 2019 १०:३८:०० मा प्रकाशित

डब्लिन– त्रिकोणात्मक एकदिवसीय सिरिजमा बंगलादेशले आयरल्यान्डमाथि ६ विकेटको जित हात पारेको छ।

डब्लिनमा भएको खेलमा पहिले ब्याटिङ गरेको घरेलु टिमले ८ विकेटको क्षतिमा २ सय ९२ रन जोड्यो। उसका लागि पाउल स्टर्लिङले १ सय ३० रन जोडे। विलियम पोटरफिल्डले ९४ रन जोडेपछि घरेलु टिमको इनिङले गति लियो। बलिङमा बंगलादेशका अबु जायेदले ५ विकेट लिए भने मोमद साइफुद्दिनले २ विकेट हात पारे।

२ सय ९३ रनको लक्ष्य बंगलादेशले ४३ ओभरमा ४ विकेटको क्षतिमा पार गर्यो। उसका लागि तमिम एकबालले ५७ रन र लिन्टन दासले ७६ रनको योगदान दिए। सकिब अल हसनले ५० रन दिँदा मुस्फिकर रहिम र मोहमुल्लाहले ३५–३५ रनको योगदान दिए। 

सिरिजको फाइनलमा वेस्ट इन्डिज र बंगलादेशबीच प्रतिस्पर्धा हुने यसअघि नै तय भएको थियो।