एजेन्सी- बलिउड अभिनेता अक्षर कुमार नागरिकताको विषयलाई लिएर विवादमा तानिएका छन्। उनको नागरिकताकाे विषयलाई लिएर यतिबेला बलिउडभित्र चर्चा-परिचर्चा सुरु भएको छ।
भारतको लोकसभा चुनावमा अधिकांश सेलिब्रिटीले मतदानमा सहभागिता जनाए पनि अक्षय सहभागी भएनन्। यसले अक्षयको राष्ट्रियताका विषयमा विभिन्न चर्चा-परिचर्चा चल्न सुरु भएकाे हाे। त्यसको केही दिनपछि मतदानमा सहभागी नहुनुको कारण अक्षयले खुलाएका छन्।
अक्षयका अनुसार उनी भारतीय नागरिक नभएको र क्यानडाली नागरिकधारी हुन्। उनले भनेका छन्, ‘अहिले मेरो नागरिकताको विषयमा धेरै नकरात्मक कुराहरु आइरहेका छन्। यो कुरा मैले आस गरेको थिइनँ। हो, मसँग क्यानडाको नागरिकता छ। तर, पछिल्लो ७ वर्षदेखि म क्यानडा पुगेको छैन।’
आफूलाई भारतको माया भएको बताउँदै भनेका छन्, ‘मेरो कर्मभूमी भारतको कति माया लाग्छ त्यो कसैलाई प्रमाणित गर्न जरुरी छ जस्तो लाग्दैन।’ अक्षयले आफ्नो देशको पक्षमा बोलिरहँदा पुनः अर्को विवादमा फसेका हुन्।
करिब २ वर्षअघि फिल्म ‘रुस्तम’बाट अक्षयले प्राप्त गरको राष्ट्रिय अवार्डको विषयमा समेत प्रश्न उठाइएकाे छ।
भारतीय सञ्चारमाध्यमका अनुसार राष्ट्रिय पुरस्कार प्राप्त गर्न भारतकै नागरिकता हुनुपर्ने व्यवस्था छ। उक्त अवार्ड आयोजकका एक सदस्यले भने अवार्ड वितरणमा निर्देशकका लागि राष्ट्रियता अपरिहार्य भएपनि अभिनेताका हिसाबमा कस्तो व्यवस्था छ भन्ने आफूलाई पनि थाहा नभएको बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
