एक्सन स्टार विराजको निर्माण निर्देशनमा बन्ने भयो 'साङ्लो'

इन्टरटेनमेन्ट लाइभ

नेपाल लाइभ शनिबार, वैशाख २१, २०७६ १३:५३

काठमाडौं– अभिनेता विराज भट्टको निर्माण तथा निर्देशनमा फिल्म ‘साङ्लो’ बन्ने भएको छ। केही समयसम्म नेपाली फिल्म उद्योगमा एक्सन स्टारका रुपमा चिनिएका विराजले पहिलो पटक फिल्म निर्माण र निर्देशनमा हात हालेका हुन्।

करिब दुई दशक लामो फिल्म करिअरमा ७५ भन्दा बढी फिल्ममा अभिनय गरिसकेका विराज पुनः नेपाली दर्शकमाझ जाने तयारीमा जुटेका छन्। शुक्रबार पत्रकार सम्मेलन गरी उनले फिल्म ‘साङ्लो’को औपचारिक निर्माण घोषणा गरे।

फिल्ममा पूर्व मिस नेपाल (२०१७) निकिता चाण्डक मुख्य भूमिकामा देखिने भएकी छन्। फिल्मम निकितासँगै कामेश्वर चौरासिया, जयनन्द लामा, आरपी पन्त, अमित गिरी लगायतका कलाकारको पनि अभिनय रहनेछ।

मानकृष्ण महर्जनको छायांकन रहने फिल्म बैसाख २४ गतेबाट छायांकनका लागि फ्लोरमा जाने निर्माण युनिटले जनकारी दिएको छ। करिब ५० दिनको कार्यतालिका अनुरुप काठमाडौं, सुदुरपश्चिम डोटीको जोराइल खप्तड लगायतका स्थानमा फिल्मको छायांकन गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे ३ वर्षपछि पहिलो पटक राप्रपा कार्यालय पुगे कमल थापा

कम्युनिष्ट पार्टीहरु एक ठाउँमा आउनुपर्छ : महासचिव वैद्य

गर्मी बढेसँगै सर्पको बिगबिगी