काठमाडौं– सरकारले आगामी आर्थिक वर्ष २०७६/०७७ का लागि आफ्नो वार्षिक नीति तथा कार्यक्रम आज सार्वजनिक गर्दैछ।
बजेट प्रस्तुत गर्नुपूर्व नीति तथा कार्यक्रम सार्वजनिक गर्नुपर्ने प्रचलनअनुरुप सरकारले सङ्घीय संसद्मा संयुक्त रुपमा आफ्ना नीति तथा कार्यक्रम प्रस्तुत गर्न लागेको हो।
संघीय संसद्काे संयुक्त बैठकमा प्रस्तुत गरिने नीति तथा कार्यक्रमका लागि राष्ट्रपति विद्यादर्वी भण्डारी संसद भवन नयाँ बानेश्वर पुगेकी छिन्। निति तथा कार्यक्रम सरकारकाे तर्फबाट राष्ट्रपतिले प्रस्तुत गर्ने संवैधानिक व्यवस्था छ।
बैठकमा सहभागी हुन प्रधानमन्त्री केपी शर्मा ओली, प्रमुख प्रतिपक्षी दल नेपाली कांग्रेसका सभापति शेरबहादुर देउवा, सत्तारुढ दल नेकपा अध्यक्ष पुष्पकमल दाहाल 'प्रचण्ड'लगायत विभिन्न राजनीतिक दलका नेताहरु संसद भवन पुगिसकेका छन्।
कार्यक्रम प्रस्तुत गर्न राष्ट्रपतिकाे सवारी हुने भएपछि संसद भवनलाई सिँगारिएकाे छ। नेपालका झन्डा तथा फूलले सिंगारिएकाे संसद भवनमा राष्ट्रपति पुग्दा नेपाली सेनाले विशेष सम्मान अर्पण गरेकाे थियाे।
यसअघि बजेटपूर्वको छलफलपछि मात्रै नीति तथा कार्यक्रम सार्वजनिक गर्ने गरिएको थियो। तर, यसपटक बजेटबारेको छलफल अगावै नीति तथा कार्यक्रम सरकारले प्रस्तुत गर्न लागेको छ। जसमा प्रमुख प्रतिपक्षी दल नेपाली कांग्रेसले असन्तुष्टि जनाउँदै आएको छ।
नीति तथा कार्यक्रमलाई सरकारको आधार मानिन्छ। यसकै आधारमा सरकारले जेठ १५ गते प्रस्तुत गर्ने बजेट निर्माण गर्नेछ।
हेराैं शीर्ष नेताहरु संसद भवन पुग्दाका तस्बिरहरु:
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।