बैतडी- बुबाको किरियामा रहेका नेपाल कम्युनिस्ट पार्टी (विप्लव समूह) का जिल्ला इञ्चार्ज वासुदेव जोशीलाई प्रहरीले सोमबार पक्राउ गरेको छ। जोशी उनकै घर डिलाशैनी गाउँपालिका–३ रुद्रेश्वरबाट पक्राउ परेका हुन्।
विभिन्न जिल्लामा विप्लव समूहले उच्छृङ्खल गतिविधि गरेर नागरिकलाई त्रास सिर्जना गर्नुका साथै चुनाव भाँड्ने काम गरेकाले जोशीलाई पक्राउ गरिएको जिल्ला प्रहरी कार्यालयका प्रहरी नायब उपरीक्षक हेरम्ब शर्माले जानकारी दिए।
बुबाको निधनपछि किरिया बसेका जोशीलाई ११औँ दिनमा प्रहरीले माथिको आदेश भन्दै नियन्त्रणमा लिएको हो। कुनै नराम्रो गतिविधिमा संलग्न नरहेका जोशीलाई घरबाटै पक्राउ गरेको उनका भाइ अनिरुद्रले बताए। तर प्रहरीले भने किरिया सकिसकेको र शंकास्पद व्यक्ति भएकाले पक्राउ गरेको जनाएको छ।
प्रहरीले यसअघि पनि बैतडीमा विप्लव समूहका ६ जना नेता-कार्यकर्तालाई पक्राउ गरी सार्वजनिक मुद्दा चलाएको थियो।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782563266.png)
-1764146706.png)
