नेचामा चितुवा आतंक, गाउँले रातभर जागै

ब्लग

नेपाल लाइभ बिहीबार, भदौ २२, २०७४ ०७:२३

सोलुखुम्बु- सोलुखुम्बुको नेचासल्यान गाउँपालिकाको नेचा क्षेत्रमा चितुवाले आतंक मच्चाउँदा स्थानीय त्रसित बनेका छन्।

एक महिना अघिदेखि गाउँमा खसीबाख्रा खान थालेको चितुवाले अहिलेसम्म दुई दर्जनभन्दा बढी खसीबाख्रा मारिसकेको छ। रातको समयमा खसीबाख्रा मारेर खाने क्रम नरोकिएपछि स्थानीयबासी रातको समयमा जागै बस्न बाध्य भएका छन्।

राति आउने चितुवा भगाउँदा पनि अटेर गर्ने भएकाले मानिसलाई नै आक्रमण गर्ने डरले खसीबाख्रा लिएर भाग्दासमेत हेरेर बस्नु परेको स्थानीयको गुनासो छ।

नेचासल्यान गाउँपालिका–३ की रेखा शर्माका अनुसार एक दिन एउटा टोलमा पसेर आतंक मच्चाएपछि चितुवा भोलिपल्ट अर्कै टोलमा पस्ने गरेको छ। चितुवाले मानिसलाई समेत आक्रमण गर्ने डरले साँझपख उनीहरु घरबाहिर निस्कन छाडेका छन्।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात