प्रदेश २ निर्वाचन : रौतहटमा उत्साहजनक उम्मेदवारी दर्ता

ब्लग

नेपाल लाइभ बुधबार, भदौ २१, २०७४ २१:४६

गौर (रौतहट)– रौतहटका १६ नगरपालिका र दुई गाउँपालिकामा उम्मेदवारी दर्ता भएकोे छ । विभिन्न नगरपालिका तथा गाँउपालिकामा मुख्य दलका उम्मेदवारहरुले मनोनयन दर्ताको गरेका छन् ।

प्रदेश नं २ को सबैभन्दा ठूलो नगरपालिकाको रुपमा रहेको चन्द्रपुर नगरपालिकामा नेकपा (माओवादी केन्द्र)का युवराज भट्टराईले प्रमुख र देवकी नेपालले उपप्रमुख पदका लागि मनोनयन दर्ता गराए।

यस्तै नेपाली काँग्रेसका तर्फबाट प्रमुखमा रामचन्द्र चौधरी र उपप्रमुखमा लक्ष्मी बरालले मनोनयन दर्ता गराए। नेकपा (एमाले)बाट भने उद्धवप्रसाद रेग्मीले प्रमुख र रामरति चौधरीले उपप्रमुखमा मनोनयन दर्ता गराए।

राष्ट्रिय प्रजातन्त्र पार्टीबाट प्रमुखमा दिलीप थापा र उपप्रमुखमा सीता दाहालले मनोनयन दर्ता गराए। स्वतन्त्रबाट चन्द्रपुर नगरपालिकाको प्रमुखमा मुकेश कुमार मिश्रा, शेख महम्द अनवारुल हक, गणेश कार्की, विजय घिमिरेले मनोनयन दर्ता गराएको चन्द्रपुर नगरपालिकाका निर्वाचन अधिकृत कमलराज भण्डारीले बताए।

रौतहटको सबै भन्दा पुरानो गौर नगरपालिकामा नेपाली कांग्रेस र नेकपा माओवादीले नगर प्रमुखको उम्मेदवारी दिएनन । राजपाबाट गौर नगर प्रमुखको लागी अजय गुप्ता, एमालेबाट शम्भु साह, मधेशी जनअधिकार फोरमबाट अर्चना यादव फोरम लोकतान्त्रिकबाट गौरीशंकर यादवले उमेदवारी दर्ता गराएका छन ।

स्वतन्त्रबाट तिन जनाले मेयरमा उम्मेदवारी दिएका निर्वाचन अधिकृतको कार्यालयले जनाएको छ । यस्तै बौधीमाइ नगरपालिकामा पनि शान्तिपुर्ण रुपमा उमेदवारी दर्ता कार्य सम्पन्न भएको छ । उक्त नगरपालिकामा नेकपा एमालेको तर्फबाट नगर प्रमुखमा प्रदिप यादब, उप प्रमुखमा इन्दु मिश्र,राजपाबाट प्रमुखमा राजाबाबु जयसवाल लगायतकाले उमेदवारी दिएका छन् । रौतहटमा कुल २ सय ७७ मतदान स्थल तोकिएको छ भने ४ सय ३४ वटा मतदान केन्द्र निर्धारण गरिएको छ । १८ स्थानीय तहमा जम्मा ८ सय २१ पदाधिकारीको निर्वाचित हुनेछन् । तेश्रो चरणको स्थानीय तह निर्वाचनमा रौतहटमा १८ मेयर, १८ उपमेयर, १ सय ५७ वडा अध्यक्ष र ६ सय २८ सदस्य स्थानीय तहमा निर्वाचित हुनेछन् । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात