काठमाडौं– फेसबुकमा चिनेको विदेशी साथीले महँगो उपहार पठाउने आश्वासन दिएको छ भने सचेत हुनुहोस्। त्यही महँगो पार्सलको आश्वासनमा उसले तपाईंलाई ठग्ने योजना बनाइरहेको हुनसक्छ।
नेपालमा धेरै व्यक्ति विदेशी साथीको महँगो उपहारको लोभमा फसिसकेका छन्। ठगिने क्रम बढ्दै गएपछि केन्द्रीय अनुसन्धान ब्युरो (सिआइबी) ले प्रेस विज्ञप्ती नै जारी गरी सचेत हुन आग्रह गरेको छ।
सिआइबीका अनुसार फेसबुक, भाइबर तथा ह्वाट्स एपमा चिनेको व्यक्तिले आफू धनी भएको भन्दै प्रभावमा पारी ‘तपाईंका लागि उपहार’ किनेको छु भनेर फोटो खिचेर पठाउँछन्।
त्यसको केही दिनपछि भारतबाट सम्बन्धित व्यक्तिलाई ‘तपाईंको लाखौं मूल्य पर्ने उपहार आएको छ, भन्सार शुल्क तिर्नुपर्छ’ भन्दै फोन आउने गर्छ। त्यसरी पटक–पटक भन्सार शुल्क मागेर उनीहरुले ठग्ने गरेका छन्। पोखराकी एक महिलाले करोडौंको हिरा र डलरको आश्वासनमा ७९ लाख गुमाएकी थिइन्।
त्यसरी ठगिनेहरुमा धेरै महिला रहेको सिआइबीले जनाएको छ। यसरी पार्सल तथा उपहारका नाममा ठगीका घटना दिनप्रतिदिन बढिरहेको सिआइबीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
