तस्बिर : साेलु एफएम
काठमाडौं– लुक्लाबाट रामेछापका लागि उडान भर्दै गरेको समिट एयरको विमान उडान भरेको सूचना रामेछाप विमानस्थल टावरलाई खबर नगर्दै दुर्घटनामा परेकाे खुल्न आएको छ।
विमान रन-वेबाट करिब २ सय मिटर अगाडि पुगिसकेको अवस्थामा हेलिप्याडतर्फ चिप्लिएर दुर्घटना भएको लुक्ला विमानस्थल कार्यालयको भनाइ छ।
विमान दुर्घटनास्थलमा २ जना र उपचारको क्रममा थप १ जनाले ज्यान गुमाइसकेका छन्।
विमान दुर्घटना स्थलमा को–पाइलट र प्रहरी असईको निधन भएको थियो भने एक असईको ग्रान्डीमा उपचारको क्रममा निधन भएको हो। अन्य ३ को भने उपचार भइरहेको छ।
विमानमा रहेकी एयरहोस्टेस भने सामान्य घाइते भएकी छिन्। त्यस्तै, समिट एयर र मनाङ एयरका एक-एक पाइलट भने गम्भीर घाइते भएका छन्।
कार्यालयले ४ जना घाइतेलाई काठमाडौं पठाएको थियो। उपचारका क्रममा घाइते एक जनाको मृत्यु भए पनि अन्य तीन जनाको भने उपचार भइरहेको छ।
विमानमा २ जना चालक दलका सदस्य तथा एक परिचारिका मात्रै सवार थिए।
विमानले हेलिप्याडका पार्किङ गरिरेहको मनाङ एयर र श्री एयरको विमानलाई ठक्कर दिएको थियो। दुर्घटनाबाट विमान र मनाङ एयरको हेलिकोप्टर '९-एन एएलसी' पूर्णरुपमा क्षतिग्रस्त भएका छन् भने श्री एयरको हेलिकाेप्टर '९-एन एएलके'मा सामान्य क्षति पुगेकाे विमानस्थल कार्यालयले जनाएको छ।
दुर्घटनास्थलमा मृत्यु भएका २ जनाकाे शब शिक्षण अस्पताल महाराजगञ्जमा राखिएकाे जनाइएकाे छ।
नागरिक उड्डयन प्राधिकरणले जारी गरेकाे प्रेस विज्ञप्ति:
र याे पनि : लुक्ला विमान दुर्घटनामा मृत्यु हुनेकाे संख्या ३ पुग्याे, काे-पाइलटसहित २ असईकाे मृत्यु
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
