एमाले मधेशमै हुर्किएको पार्टी होः महासचिव पोखरेल

ब्लग

नेपाल लाइभ मंगलबार, भदौ २०, २०७४ १९:५५

नेकपा (एमाले) ले आगामी असोज २ गते प्रदेश नं २ हुने स्थानीय तहको निर्वाचनमा पनि आफ्नो पार्टी पहिलो हुने दाबी गरेको छ ।

२ नं प्रदेशमा आसन्न स्थानीय तहको निर्वाचनको सन्दर्भमा एमाले पार्टी केन्द्रीय कार्यालय धुम्बराहीमा आज आयोजित पत्रकारसम्मेलनमा एमालेका महासचिव ईश्वर पोखरेलले संगठित रुपमा बलियो र जनताको विश्वासका कारण एमाले पहिलो पार्टी हुने दाबी गरे।

महासचिव पोखरेलले एमाललेलाई मधेश विरोधी भनेर दुश्प्रचार गरिए पनि तराई–मधेशको समग्र विकासमा पार्टीको योगदान रहेको उल्लेख गर्दै एमालेविरुद्ध नेपाली काँगेस र नेकपा (माओवादी केन्द्र) बीच महागठबन्धन भए पनि एमालेको जित सुनिश्चित भएको बताए। ।

सो अवसरमा एमाले सचिव तथा प्रचार विभाग प्रुुमुख योगेश भट्टराईले निर्वाचनका समयमा एमालेको उम्मेदवारलाई घेराबन्दीमा पार्ने प्रयास गरिएको र एमाले विरोधी प्रचार गरिएपनि एमाले ५० प्रतिशतभन्दा बढी मत ल्याएर पहिलो पार्टी हुने सुनिश्चित भएको बताए।

सो पार्टीका प्रदेश नं २ का संयोजक सत्यनारायण मण्डलले तराई–मधेशमा एमालेलाई हराउनका लागि अनेक षडयन्त्र शुरु भएको भए पनि एमालेको जित सुनिश्चित भएको बताए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात