न्युयोर्क (एजेन्सी)– एप्पल कम्पनीका संस्थापक स्टिभ जब्सको बिएमडब्ल्यु स्पोट्र्स कार ४ लाख अमेरिकी डलरमा लिलाम हुने भएको छ। सोथबार्य अक्सन हाउसका अनुसार ओरेकलका सिईओ ल्यारी एलिसनले जब्सलाई यो कार किन्न प्रेरित गरेका थिए।
जब्सको कारप्रतिको मोह हालसम्म उजागर हुन सकेको छैन्। तर, उनी जर्मनी अटोमोबाइल्स र डिजाइनमा विशेष रुचि राख्ने गरेको बताइन्छ।
जब्ससँग बिएमडब्ल्युको मोटरसाइकल र मर्सिडिज बेन्जको एसएलएस पनि थियो। जब्सले अक्टुबर २००० मा यो कार खरिद गरेका थिए। यसको लिलामी ६ डिसेम्बरमा हुने बताइएको छ।
एप्पल कम्पनीका संस्थापक जब्सको निधन २०११ मा भएको थियो। उनले १९७६ मा आफ्ना घरको ग्यारेजमा स्टिभ वोज्नियाकसँग मिलेर एप्पल कम्पनीको सुरुवात गरेका थिए। यिनीहरुले मिलेर एप्पल–२ र म्याकेन्टोस कम्प्युटरको विकाश गरेका थिए।
कम्पनीका निर्देशकसँग झगडा भएपछि सन् १९८५ मा एप्पल छाडेर उनले नेक्स्ट कम्प्युटरको विकाश गरे। १९९६ मा एप्पलले पुनः नेक्स्ट खरिद गरेपछि स्टिभ जब्सको पनि आफूले मिलेर स्थापना गरेको कप्पनीमा पुनरागमन भयो। उनी १९९७ मा कम्पनीको सिईओ पदमा पहिलो पल्ट नियुक्त भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
