दाङ- भनिन्छ, पढाइलाई उमेर छेक्दैन। उमेर र व्यस्तताका बीच पनि दाङ गढवा गाउँपालिकाकी उपाध्यक्ष शान्ति चौधरी यतिबेला धमाधम कक्षा ८ को परीक्षा दिइरहेकी छन्।
उमेरले ४८ वर्ष पुगे पनि चौधरीमा औपचारिक अध्ययनको भोक भने बल्ल जागेको छ। अध्ययनका लागि न त उमेर बाधक बन्छ न त पेसा नै। यहीँ कुरा प्रमाणित गरिदिएकी छन् शान्तिले। भन्छिन्, 'पढाइलाई उमेरले छेक्दैन भन्ने मान्यतालाई आत्मसात् गर्दैै परीक्षामा सहभागी भएकी हुँ।'
हुन त पछिल्लो समय शान्ति जस्तै धेरै जना औपचारिक अध्ययनका लागि कम्मर कसेर लागेको पाइन्छ।
अभिनेत्री करिश्मा मानन्धर, नेकपा संसदीय दलकी सचेतक शान्ता चौधरी, डडेलधुराकी ६० वर्षीया दुर्गा पाण्डे लगायत धेरैलाई यसको उदाहरणको रुपमा लिन सकिन्छ। शान्ति भने सचेतक शान्ता चौधरीले पढेको देखेपछि पुनः औपचारिक अध्ययनमा लागेको सुनाउँछिन्।
राजनीति गर्दा शिक्षा पनि महत्वपूर्ण हुने रहेछ भन्ने उनले बल्ल बुझेकी छन्। त्यसैले राजनीतिक हिसाबले पनि अगाडि बढ्न पढाइलाई निरन्तरता दिएको उनको भनाइ छ।
२०५३ सालमा कक्षा ५ मा अध्ययन गर्दागर्दै शान्तिले पढाइ छोडिन्। तर केही समयको अन्तरालपछि २०७५ मा भने गढवा गाउँपालिका ६ को जनता उच्च माध्यमिक विद्यालय भर्ना भइन्।
परिवारका अन्य ८ सदस्यले उच्च शिक्षा सुरु गरे पनि शान्तिले भने त्यो पूरा गर्न सकेकी थिइनन्। परिवारका सदस्यहरुको प्रगति सुनाउँदै उनी भन्छिन्, 'जेठो भाइ मेटमणि चौधरी सांसद हुनुभएको छ, मेरा आफ्नै छोराछोरी पनि उच्चा शिक्ष अध्ययन गरिरहेका छन्, जेठो छोराले सब इञ्जिनीयर पढ्दैछ। जेठी छोरी कम्युटरमा स्नातक गर्दैछे अनि कान्छीचाहिँ ल्याब पढिरहेकी छ।'
आफूलाई सानोमा परिवारका सदस्यहरुले बढ्न सुझाए पनि त्यसलाई बेवास्ता गरेर पढ्न छोडेको आत्मग्लानि कायमै छ उनमा। सुनाउँछिन्, 'सानो उमेरमा बुबाले पढ भन्दाभन्दै पनि पढ्न छोडेँ। त्यतिबेला पढेको भए, अहिले धेरै सजिलो हुनेरहेछ।'
अहिले गाउँपालिकामा उपाध्यक्ष भएर न्यायिक समितिको जिम्मेवारी सम्हाल्दा कम पढाइकै कारण विभिन्न समस्या झेल्नुपरेको तितो अनुभव पनि छ शान्तिसँग। राजनीति गर्दा पनि शिक्षा महत्वपूर्ण हुने रहेछ भन्ने उनले बल्ल बुझेकी छन्। त्यसैले राजनीतिक हिसाबले पनि अगाडि बढ्न पढाइलाई निरन्तरता दिएको उनको भनाइ छ।
तत्कालीन एमालेबाट निर्वाचित उनले यतिबेला आफ्नो परीक्षा र प्रशासकीय जिम्मेवारी दुवै धानिरहेकी छन्।
ऐन, नियम, कानुन, राजनीतिक दलका विभिन्न पुस्तक तथा व्यवहारिक ज्ञान भए पनि कोर्समा समावेश गणित, विज्ञान र अङ्ग्रेजी विषय भने केही अप्याठ्यारो लागेको उनले बताइन्। गाउँपालिका उपाध्यक्षको जिम्मेवारी निर्वाह गर्नुपर्दा विद्यालय जान नपाए पनि घरमै अध्ययन गरेर परीक्षामा सामेल भएकी हुन् उनी।
तत्कालीन एमालेबाट निर्वाचित उनले यतिबेला आफ्नो परीक्षा र प्रशासकीय जिम्मेवारी दुवै धानिरहेकी छन्।
उनी बिहान १० बज्नसाथ कार्यालय पुग्छिन्। दुई घन्टा कार्यालयको काम भ्याउँछिन् र परीक्षा केन्द्रतिर लाग्छिन्। एक बजेबाट ४ बजेसम्म परीक्षामा सामेल भएर पुनः कार्यालय फर्केर बाँकी जिम्मेवारी सकेर मात्र घर फर्कने गरेको उनले बताइन्। परीक्षाको समय आफ्नो व्यस्त दैनिकी र कार्यालयको जिम्मेवारी बोध गर्दै उनी भन्छिन्, ‘मैले परीक्षा अवधिभर परीक्षा र गाउँपालिकाको कामलाई सँगसँगै अगाडि बढाएकी छु।’ रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1664177809.jpg)
-1764146706.png)
