जनकपुर– गत फागुन १८ गते बिहान १० बजेतिर।
महोत्तरीको गौशाला नगरपालिका–८ बस्ने २९ वर्षीय सुरेश साह घरबाट बाहिर निस्किएका थिए।
उनी निकै समय घर आएनन्। ४ दिन बितिस्दा पनि सुरेश फर्किएनन्।
चिन्तामा परेको परिवारले उनको खोजखबर गर्यो। निकै सम्पर्क गर्यो। तर, उनको सम्पर्क हुन सकेन। परिवारमा त्रास छायो।
फागुन २२ गते, सुरेशको आमा बसुनर देवीले इलाका प्रहरी कार्लालय गौशालामा छोरा हराएको निवेदन दिइन्।
त्यसपछि प्रहरी कार्यालय महोत्तरीले सुरेशको खोजतलास गर्यो।
00
प्रहरीले सुरेशको खोजतलास गर्दै थियो।
एकदिन सुरेशको भिनाजु अमरनाथ महतोलाई भारतीय नम्बरको मोबाइलबाट फोन आयो। अज्ञात व्यक्तिले फोनमार्फत्'सुरेश हाम्रो सम्पर्कमा छ' भनेर फोन काट्यो।
त्यसको केहीदिनपछि त्यही नम्बरबाट 'सुरेश अपहरणमा परेको र फिरौती रकमसहित लिइआउनु' भनी डरलाग्दो धम्की आयो।
त्यसपछि सुरेशको अपहरण भएको प्रमाणित भयो।
त्यो खबर पाउनेबित्तिकै फागुन २४ गते इन्सपेक्टर दीपक चोरवारको कमाण्डमा प्रहरीले तीव्र अनुसन्धान थाल्यो।
अनुसन्धानको क्रममा पत्ता लाग्यो– फिरौतीको लागि प्रयोग गरिएको फोनको लोकेसन भारतको बेतिया तथा बगहा भन्ने ठाँउको रहेछ।
त्यसपछि प्रहरीले भारतको बेतिया प्रहरीसँग समन्वय गरेर गोप्य योजना बनायो।
००
अपहरण भएको १७ दिन पुगेको थियो।
०५ फागुन बेलुकी ९ :३० बजेतिर। महोत्तरी, भारतको बेतिया, बगहा तथा बगहाको एसटिएफ समेतको संयूक्त प्रहरी टोलीले फिरौतिको रकम लिन आएका २ जनालाई पक्राउ गर्यो।
कटुवा पेस्तोल १ थान र ५.५६ एम एमको ४ गोलीसहित बारा कलैया–१२ रामपुर बस्ने ५२ वर्षीय मुन्ना भन्ने सुरज चौधरी र साथमा आएका काशी साह कानुलाई प्रहरीले नियन्त्रणमा लियो।
उनीहरूको बयानबाट मैन्मा जंगलको नहर छेउमा सुरेशलाई अपहरण गरेको खुलासा भयो।त्यसपछि तत्काल प्रहरी त्यहाँ पुगेर बन्धक बनाएर राखिएको साहलाई सकुशल उद्दार गर्यो।
सकुशल उद्दारपछि सुरेश शाह, अपरेसनको जिम्मेवारी निभाएका इन्स्पेक्टर दिपक चोरवार, प्रहरी नायव निरीक्षक रबिन्द्र सिंह र महोत्तरीका एसपी ईश्वर कार्की
अनुसन्धानबाट काशी साह कानु पनि अपहरित तथा पीडित देखिएको रहस्य खुल्यो। पीडित कानुलाई बेतिया प्रहरीले आफन्तको जिम्मामा बुझाइदियो।
अन्य अपहरणकारी भने अपरेशन गरिएको स्थानबाट फरार भए। उनीहरूको खोजतलास भारतीय प्रहरिले गरिसरहेका छन्।
पक्राउ परेको मुन्ना भन्ने सुरजलाई भारतीय प्रहरीद्धारा मुद्दा दर्ता गरी अनुसन्धान भइरहेको छ।
अपहरणमा परेका सुरेशलाई भने उनको आफन्तको जिम्मा लगाइएको र बाँकी अनुसन्धान थालिएको डिएसपी खगेन्द्र बहादुर खड्काले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
