धनगढी– कैलाली जिल्लाको गौरीगंगा नगरपालिकामा दोस्रो आमन्त्रीत गौरीगंगा कप हुने भएको छ।
गौरीगंगा ११ स्पोर्ट्स क्लवको अयोजनामा गौरीगंगा नगरपालिका ८ को खेलमैदानमा यही फागुन २५ गते देखी चैत ४ गते सम्म सञ्चालन हुने मंगलबार पत्रकार सम्मेलनमार्फत जानकारी दिइएको हो।
खेलको विकासको लागी खेलाडी उत्पादन गर्ने, फुटबल एकेडेमीहरु सञ्चालन गर्ने गरी प्रारम्भ भएको खेल मैदानलाई नमुना रंगशालाको रुपमा विकास गर्ने उद्देश्यले दोस्रो संस्करणको अयोजना गरिएको आयोजक कमिटि अध्यक्ष दिनेश कलेलले बताए।
प्रतियोगितामा सुदूरपश्चिम प्रदेश बाहीरका दाङ, बाके, बर्दिया, सुर्खेत लगायतका जिल्लाहरुबाट झण्डै १२ देखी १४ टिम सहभागी हुने आयोजकले जनाएको छ।
खेल फिफाको नियम अनुसार कैलाली जिल्ला फुट्बल संघका रेर्फिहरुबाट खेलाईने अध्यक्ष कलेलले बताए । उनले खेलको लागी अस्थायी प्याराफिट तयार भईसकेको र मैदानको तयारी अन्तीम चरणमा पुगेको जानकारी दिए।
विजेता टिमले प्रथम पुरस्कार तिन लाख, द्धितीय पुरस्कार एकलाख पचास हजार कप, प्रमाण पत्र र मेडल प्राप्त गर्नेछन्। त्यस्तै सर्वोत्कृष्ट खेलाडीले तीस हजार र सर्वाधिक गोलकर्ता, उत्कृष्ट गोलरक्षक, उत्कृष्ट रक्षक, उदयमान खेलाडी, उत्कृष्ट फरवार्डले जनही दश÷दश हजार पुरस्कार प्राप्त गर्नेछन् भने म्यान अफ द म्याचले पच्चिस सय नगद प्राप्त गर्ने आयोजकले जनाएको छ।
प्रतियोगितामा झण्डै २६ लाख ५० हजार लागत अनुमान गरिएको छ । गत वर्ष यस प्रतियोगिताको प्रथम पुरस्कार दुई र द्धितिय पुरस्कार एक लाख रहेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
