काठमाडौं– रानीपोखरी कर्नर टिम (आरसीटी) ले सहिद स्मारक ‘बी’ डिभिजन लिगको उपाधि जितेको छ।
एन्फा मैदान सातदोबाटोमा आज भएको अन्तिम चरणको खेलमा श्री भगवती क्लबलाई १–० गोल अन्तरले पराजित गर्दै आरसीटीले उपाधि उचालेको हो। आरसीटीलाई जीत दिलाउन लोकेन्द्रबहादुर कार्कीले खेलको २५औँ मिनेटमा गरेको गोल नै पर्याप्त बन्यो।
उपाधिसँगै आरसीटीले रु आठ लाख प्राप्त गरेको छ। उपविजेता श्री भगवतीले रु पाँच लाख प्राप्त गर्यो। तेस्रो भएको टुसाल युथ क्लबले रु तीन लाख र चौथो हुने सातदोबाटो युथ क्लबले रु दुई लाख प्राप्त गरेको छ। उपाधि चुम्ने क्रममा आरसीटीले अन्तिम चरणमा तीन खेल जित्दै नौ अङ्क जोड्यो। श्री भगवतीले छ अङ्क जोडेर उपविजेता बन्यो। तेस्रो भएको टुसालले एक खेल जितेको थियो। अन्तिममा लिग चरणको अङ्क समावेश गरिएको थिएन।
‘बी’ डिभिजन च्याम्पियन भएपनि आरसीटी ‘ए’ डिभिजनमा बढुवा हुने छैन। यो वर्ष रेलिगेशन बिनाको लिग भएकाले आरसिटी बी डिभिजनमै बस्नेछ। गत माघ २५ गतेदेखि शुरु भएको प्रतियोगितामा ‘बी’ डिभिजनका १२ क्लबहरू झम्सिखेल युवा क्लब, आरसिटी, श्रीकुमारी क्लब, सातदोबाटो युथ क्लब, नयाँबस्ती युवा क्लब र ब्वाइज युनियन, टुसाल, पुल्चोक, मध्यपुर युथ एशोसिएशन, खुमलटार युवा क्लब र श्री भगवती क्लबले प्रतिष्पर्धा गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
