धनगढी– टीकापुर घटनाका विषयमा कैलाली जिल्ला अदालतमा अन्तिम बहस जारी छ। बुधबार सुरु भएको बहसमा ८ जना वकिलले बहस गरिसकेका छन्।
शुक्रबार अदालतमा प्रतिवादी पक्षका कानुन व्यवसायी तथा अधिवक्ता मिलन राई र नाथुराम महतोले बहस गरेका थिए।
२०७२ साल भदौ ७ गते नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित ८ जना सुरक्षाकर्मी र एक नाबालकको ज्यान जाने गरी भएको टीकापुर घटनामा प्रहरीले ५८ जना शंकास्पद रहेको भन्दै अदालतमा कर्तव्य ज्यान, डाका चोरी तथा ज्यान मार्ने उद्योगमा मुद्दा दायर गरिएको थियो।
बुधबारबाट सुरु भएको सो घटनाको बहस मुद्दा टुंगो नलागेसम्म जारी रहने कैलाली जिल्ला अदालतका श्रेस्तेदार इन्द्रबहादुर कठायतले बताए।
उनले यसको अन्तिम सुनुवाइ बुधबार सकिने र मुद्दाको किनारा लाग्न सक्ने बताए। घटनाको सुनूवाइमा भएको ढिलाइलाई मध्यनजर गर्दै जिल्ला अदालतले निरन्तर सुनुावाइ गरी टुंग्याउने तयारी गरेको छ।
प्रतिवादीहरुको वतनको अस्पष्टतालगायत विभिन्न कारणले सो घटना ढिलाइ भइरहेको थियो।
तीन वर्षभन्दा लामो सयमपछि सुरु भएको सुनुवाइमा बुधबार वादीतर्फका २ न्यायाधिवक्ता र प्रतिवादी पक्षका पा“च जना कानून व्यसायीले बहस गरेको जिल्ला अदालत कैलालीका श्रेस्तेदार कठायतले बताए।
बुधबार उक्त मुद्दामा वादी नेपाल सरकारका तर्फबाट जिल्ला न्यायधिवक्ता विष्णु पौडेल र सहायक न्यायधिवक्ता लक्ष्मी शर्माले बहस गरेका थिए। उता प्रतिवादीका तर्फबाट वरिष्ठ अधिवक्ता गोपाल घिमिरे, अधिवक्ता हरी फुँयाल, गंगाराम उपाध्याय, मिलन राई र गजेन्द्र केसीले बहस गरेका थिए।
१९ गते हेर्दाहेर्दैको लागि पेस हुने गरी अर्को आदेश समेत अदालतले जारी गरेको छ। उक्त मुद्दामा ११ जना बढी कानूनन व्यवसायीहरु प्रतिवादी तर्फका रहेका छन्।
घटनाको यो नवौं पेसी हो। पेशीको पहिलो दिन बुधबार हेर्दाहेर्दैमा बितेको कैलाली जिल्ला अदालतले जनाएको छ।
यसअघि कैलाली जिल्ला अदालतमा माघ १७ गते जिल्ला न्यायाधीश परशुराम भट्टराईको इजलासले साक्षी बुझ्ने आदेश दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
