विराटनगर- १० वर्षीया बालिकालाई बलात्कार गरेको आरोपमा उदयपुरमा एक शिक्षक पक्राउ परेका छन्।
चितवनको खैरहनी नगरपालिका-४, कठार घर भई कटारी नगरपालिका-८ स्थित जनप्रिय आधारभूत विद्यालयका शिक्षक २८ वर्षीय विनोद लोहनीलाई बुधबार प्रहरीले पक्राउ गरेको हो। अस्थायी दरबन्दीमा शिक्षक रहेका लोहनीले आफनै विद्यालयमा पढ्ने बालिकालाई बलात्कार गरेको प्रहरीले जनाएको छ।
पढाउने बहानामा बालिकाको कोठामा पसेर शिक्षक लोहनीले मंगलबार बेलुका ८ बजे बलात्कार गरेको इलाका प्रहरी कार्यालय कटारीका प्रहरी नायब उपरिक्षक अर्जुन रानाभाटले बताए।
रानाभनटका अनुसार पीडित बालिकाको कटारी अस्पतालमा उपचार हुन नसकेपछि थप उपचारका लागि विराटनगर पठाइएको छ।
पक्राउ परेका शिक्षकको बारेमा थप अनुसन्धान भइरहेको र जबरजस्ती करणी मुद्दा दर्ता गरी कारबाही प्रक्रिया अगाडि बढाइने प्रहरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
