ललितपुर बम विस्फोट [अपडेट] : घाइते मध्ये एक जनाको मृत्यु

सुरक्षा/अपराध

नेपाल लाइभ शनिबार, फागुन ११, २०७५ ०७:४८

काठमाडौं- ललितपुरस्थित एनसेलको गेट नजिक भएको बम परेर गम्भीर घाइते भएका मध्ये एक जनाको मृत्यु भएको छ। मृत्यु हुनेमा मेडिसिटी अस्पतालमा उपचाररत सिंहप्रसाद गुरुङ छन्। उनको उपचारकै क्रममा बिहानीपख ज्यान गएको हो।

बिस्फोटमा परेर अन्य दुई जना घाइते भएका छन्। घाइते हुनेमा प्रतीक्षा खड्का र उरुषा मानन्धर छन्। उनीहरुको उपचार भइरहेको छ।

बम बिस्फोट कसले कुन उदेश्यले गराएको हो भन्ने अहिलेसम्म खुल्न नसकेको महानगरीय प्रहरी परिसर ललितपुरका एसएसपी रवीन्द्र धानुकले नेपाल लाइभलाई जानकारी दिए।

उनले भने, ‘बम बिस्फोट हुनु निकै दु:खद हो। बिस्फोटको सूचना थाहा पाउनासाथ प्रहरी परिचालन गरिए पनि अहिलेसम्म कसैलाई पक्राउ गर्न सकिएको छैन।’

त्यस्तै काठमाडौं कमलपोखरीमा पनि बम फेला परेको थियो।

कमलपोखरीकोे आँगन रेष्टुरेन्ट अगाडि फेला पारेको बम नेपाली सेनाको डिस्पोजल टोलीले निष्कृय पारेको थियो।

उता कास्कीको पोखरामा पनि एनसेलको टावरमा आगजनी भएको छ भने बाग्लुङमा पनि एनसेलको टावरलाई लक्षित गरेर बिस्फोट भएको छ।

देशका विभिन्न् ठाउँमा एकै पटक बम बिस्फोट भएपछि सुरक्षा थ्रेट बढेको बताइन्छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भुटानी शरणार्थी मुद्दामा सर्वोच्च : अमेरिका जानुअघिको शिविरमा राख्नू, ६० दिनभित्र अनुसन्धान सक्नू

एमालेले सरकार बचाउ भनेर कराएको छैन : प्रधानमन्त्री ओली

फिल्म ‘हेल्लो काँशीराम’ गीत ‘झ्यामी मादल झ्याम’सार्वजनिक, दिलीप र प्रियंकाले गरे वेलकम [भिडियोसहित]