काठमाडौं– सामान्य विवादपछि प्रहरीको कुटाइबाट गम्भीर घाइते भएका सोमबहादुर बस्नेतलाई ५२ टाँका लगाउनुपरेको छ। बाग्लुङको हरिचौर गाउँपालिका–६ का ४० वर्षीय उनलाई गल्कोट–३ स्थित हटिया प्रहरी चौकीमा कार्यरत प्रहरी जवान प्रेमबहादुर विष्ट र बुद्धबहादुर थापाले कुटपिट गरेका थिए।
गत पुस २९ गते राति ९ बजे चौकीअगाडि उनीमाथि कुटपिट भएको थियो। गम्भीर घाइते भएका सोमबहादुरको शरीरमा ५२ टाँका लगाउनुपरेको परिवारले बताएका छन्। उनको हाल पोखराको फेवासिटी अस्पतालमा उपचार भइरहेको छ।
कसरी भयो घटना?
सोमबहादुर १२ वर्षदेखि वैदेशिक रोजगारीमा थाइल्यान्डमा थिए। उनका दुई छोरा र एक छोरी छन्। छोरीको विवाह भइसकेको छ भने जेठो छोरा सागर १२ र कान्छो संगम ७ कक्षामा अध्ययनरत छन्।
८२ वर्षीय वृद्ध बुवा बिरामी भएकाले सोमबहादुर गत असोजमा बिदा मिलाएर घर आएका थिए। उनकी श्रीमती कृष्णकुमारीले घरमा किराना पसल सञ्चालन गर्दै आएकी थिइन्।
किराना पसलमा दिउँसोभर बसेका सोम दिउँसो साढे ४ बजे ‘बैठक छ गल्कोट जान्छु’ भन्दै पसलबाट निस्किए।
पसलबाट सद्दे गएका सोम राति १० बजे घर आउँदा भने निन्याउरो मुख लगाउँदै फर्किए। श्रीमतीले चासो राखेर सोधेपछि उनले प्रहरीको कुटाइबाट पेट दुखेको खुलाएका थिए।
कुटपिटकै कारण उनको शरीरमा ३ लिटरभन्दा बडी रगत जमेको डाक्टरले बताएका थिए। अप्रेसनपछि ५२ टाँका लगाइएका सोम अहिले पनि अस्पतालमै छन्।
बिक्की गैर, कृष्ण केसी र सोम बैठकबाट घर फर्किंदै थिए। राति ९ बजे हटिया प्रहरी चौकीमा पुगेपछि बिक्कीले एक प्रहरी जवानसँग हात मिलाए। हात मिलाउँदै प्रहरीले थाहा पाइसकेको थियो- उनीहरु रक्सीले टिल्ल थिए।
त्यसपछि प्रहरीले उनीहरुलाई गाली गरे। सोमले 'किन गाली गरेको' भन्दै अंग्रेजीमा प्रहरीलाई प्रश्न गरे। 'नेपाली भएर बढी जान्ने हुँदै अंग्रेजी बोल्छस्' भन्दै प्रहरी निर्मम कुटपिट गरेको पीडित सोमको भनाइ छ।
कुटपिट गर्नेमा प्रहरी जवान प्रेमबहादुर विष्ट र बुद्धबहादुर थापा थिए। यसबारे बाग्लुङका प्रहरी प्रमुख एसपी दीपक रेग्मीले नेपाल लाइभसँग कुरा गर्दै भने, ‘कुटपिट भएको प्रहरी जवानले स्वीकार गरेका छन्। रक्सी खाँदै हल्ला गर्दै हिँड्ने भनेर सम्झाउँदा विवाद भएपछि कुटपिट भएको हो। ती प्रहरीलाई कारबाही गर्छौं।’
लगाउनुपर्यो ५२ टाँका, ४ लाख खर्च
कुटाइबाट थलिएर घर पुगेका सोमलाई परिवारले नजिकैको मेडिकल लगेको थियो। त्यहाँ भिडियो एक्स-रे गर्दा केही देखिएन। तर उनको पेट दुख्ने क्रम भने रोकिएको थिएन। मेडिकलबाट घर फर्किएपछि उनलाई रिंगटा लाग्न थाल्यो। वान्ता भयो। पखाला लाग्यो। त्यसपछि परिवारले उनलाई पोखराको फेवासिटी अस्पताल पुर्याएपछि डाक्टरले भने, 'रगत जमेको छ। पित्त नली र फियोसमेत फुटेकाले तत्कालै अप्रेसन गर्नुपर्छ।’
कुटपिटकै कारण उनको शरीरमा ३ लिटरभन्दा बडी रगत जमेको डाक्टरले बताएका थिए। अप्रेसनपछि ५२ टाँका लगाइएका सोम अहिले पनि अस्पतालमै छन्।
उनको पेट दुख्ने क्रम भने रोकिएको थिएन। मेडिकलबाट घर फर्किएपछि उनलाई रिंगटा लाग्न थाल्यो। वान्ता भयो। पखाला लाग्यो।
अप्रेसन र औषधिसमेत गरी अहिलेसम्म उनको ४ लाख खर्च भइसकेको छ। त्यसमध्ये २ लाख भने कुट्ने प्रहरीले जुटाइदिए। यसबारे एसपी रेग्मीले भने, ‘पीडितलाई क्षतिपूर्ति दिलाउनेबारे हामी छलफल गरिरहेका छौं।’
कुटपिट गर्ने प्रहरी निलम्बित
सोमबहादुरलाई कुटपिट गर्ने दुई प्रहरीलाई जिल्ला प्रहरी कार्यालय बाग्लुङ तानेर प्रहरीले अनुसन्धान सुरु गरेको छ।
जवानद्वय विष्ट र थापा निलम्बनमा परिसकेका छन्। उनीहरु पुस ४ गते निलम्बित भइसकेको एसपी रेग्मीले बताए। थप कारबाहीका लागि पनि अनुसन्धान जारी भएको प्रहरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
